Popular Bible Verses from ኀበ ቲቶ 3

Share

ወአመ አስተርአየ ምሕረቱ ለእግዚአብሔር መፍቀሬ ሰብእ መድኀኒነ። አኮ በምግባረ ጽድቅነ ዳእሙ በምሕረቱ አድኀነነ በጥምቀተ ዳግም ልደት ወተሐድሶ በመንፈስ ቅዱስ። ዘሶጠ ላዕሌነ በብዕሉ በእንተ ኢየሱስ ክርስቶስ መድኀኒነ። ከመ ንጽደቅ በጸጋሁ ወንረስ ተስፋ ሕይወት ዘለዓለም።

ዘክሮሙ ለቀደምት ወለመኳንንት ከመ ይትአዘዙ በኵሉ ምግባረ ሠናይ ወይኩኑ ጥቡዓነ ቦቱ። ወኢይትቈጥዑ ወኢይትገዐዙ አላ መሓርያነ ወየዋሃነ ይኩኑ ምስለ ኵሉ ሰብእ።

ነገረ ጋዕዝ ወእበድ ዘይፈጥሩ ወመሐደምት ወወክሕ ተገኀሦሙ እስመ ከንቱ ውእቱ ወኢይበቍዕ።

ለመስተካሕድ ብእሲ እምከመ ምዕረ ወካዕበ ገሠጽኮ ወአበየ ኅድጎ።