Popular Bible Verses from ኀበ ሰብአ ተሰሎንቄ 1 4

Share

ወእምዝ ንሕነ ሕያዋን እለ ንተርፍ ንትመሠጥ በደመና ምስሌሆሙ ኅቡረ ከመ ንትቀበሎ ለእግዚእነ ውስተ አየር ወንሄሉ እንከ ዘልፈ ኀበ እግዚእነ።

እስመ ይወርድ እግዚእነ እምሰማይ በትእዛዝ ወበቃለ ሊቀ መላእክት ወንፍሐተ ቀርን ዘእግዚአብሔር ወይትነሥኡ ምዉታን መቅድመ እለ ሞቱ በሃይማኖተ ክርስቶስ ።

እስመ ዝ ውእቱ ትእዛዙ ለእግዚአብሔር ወፈቃዱ ተቀድሶትክሙ ውእቱ ወከመ ትትዐቀቡ ወትርኀቁ እምዝሙት። ወያእምር ኵሉ ለለ አሐዱ ንዋዮ ወያጥርዮ በቅድሳት ወክብር።

ወእምከመሰ ንትአመን ከመ ሞተ ክርስቶስ ወተንሥአ ከማሁ ያነሥኦሙ እግዚአብሔር ለምዉታን በኢየሱስ ወያመጽኦሙ ምስሌሁ።

ከመ ትኩኑ የዋሃነ ወትትገበሩ ተግባረክሙ ወትትቀነዩ በእደዊክሙ ዘከመ አዘዝናክሙ።

እስመ ኢጸውዐነ እግዚአብሔር ለርኵስ ዘእንበለ ለቅድሳት።