Popular Bible Verses from Worra Rooma'aa 4

Share

Inni dhugeeffana'aan jabaatee Waaqa ulfeesse malee, dhugeeffatiisa dhabee, waadaa Waaqaa hin mamne. Waaqi waadaa gale ka muummessu akka te'elle gadhaa tokkochaan dhugeeffateeraayyu.

Barreeffam Woyyichi marroo Abrahaamii yennaa dubbatu, “Gosa heddu'uuf abbaa si godheera” jedha; Waaqa worra du'e du'aa kaasuu fi waan hin jirre jiraachisutti Abrahaam waan dhugeeffateef, Waaqi waadaa kana isaaf gale.

Yesuus sababa cubbuu teennaatiif du'aaf dabarfamee kennamee, nu balchoonsiisaaf du'aa k'e.

Abrahaam addee wonni addachiisu hin jirretti addatee, akkuma Barreeffam Woyyichi, “Sanyiin teeti hin heddatti” jedhu, abbaa gosa heddu'uu te'e.

Tanaaf waadaan dhugeeffannaa irratti hundooyeeraayyu; waadaan kunille, ka sanyii Abrahaamii maraaf, Waaqa irraa badhaadhaan kenname akka te'e tanaan mirkanoyeera. Kunille, worra akka Abrahaamii dhugeeffate maraaf malee, worra Seera hordofu qofaafii moti; Abrahaam nu maraafuu abba'a.

“Worri yakkaa isaaniitiif araarri kennamee fi cubbuun isaaniille haqanteef ka badhaadhe! Nami Goottaan cubbuu isaa itti hin laakkonne ka badhaadhe” jedheera.

Barreeffam Woyyichi, “Abrahaam Waaqatti dhugeeffate, dhugeeffannaan isaalle balchumma'atti laakkowanteef” jedha.