Popular Bible Verses from Ergaa Phaawuloos Gara Worra Rooma'aa Erge 6

Share

Gatiin cubbu'uu du'a waan ta'eef, kennaan badhaadhummaa Rabbii ammoo karaa Gooftaa Yesuus Kiristoosiitiin jiruu bara baraa ti.

Isin Ayaannaa gadi malee, seeraa gadii miti. Cubbuun waan isin hin binneef.

Eegasuu Kiristoos ulfinna abba'aatiin du'aa akkuma ka'e nullee akkasuma jireenna haarawa keessa akka jiraannu, du'aan isa woliin tokko akka taanu cuuphamu'uun isa woliin awwaalamneerra.

Nafa keessan keessaa hulee tokkollee mi'a hameenaa gootanii cubbu'uuf hin dhiyeesinaa'a, haata'uu ammoo du'oota keessaa baatanii jireenaan akka jiraatan Rabbiif uf dhiyeessaa'a, nafa keessan mara mi'a lolaa ka qajeellumma'aa taasisa'aatii Rabbiif dhiyeessaa'a.

Haalli jireenna keennaa cubbamaan akka baduuf garboota cubbu'uu ta'uun keenna akka hafuu, nafti keenna moofaan Kiristoosiin woliin akka fannifame hin beenna

Isinillee ammoo akkasuma cubbuu jalaa duutanii, karaa Gooftaa keenna Yesuus Kiristoosiitiin Rabbiif worra jiraatan akka taatanitti uf laakkaya'a.

Eegasuu maal jenna ree? Badhaadhumaan Rabbii akka baay'atu cubbuu keessa haa jiraanuu? Waa hin ta'u; nu worri cubbuu jalaa duune, ammaa achi attamitti cubbuu jala jiraanna ree?

Ajajamu'uuf garboota akka taatan ka itti uf dhiyeessitaniif isaafillee akka ajajamtaniif garboota isaa akka taatan hin beettanii? Yookiin du'aaf garboota cubbu'uuti moo garboota qajeellumma'aaf ajajamtan.

Haata'uu ammoo dursitanii garboota cubbu'uu yoo taatan, barumsa kennamtaniitiif, qalbii teessan keessaa waan ajajamtaniif, cubbuu jalaa bilisa baatan. Qajeelluma'aaf waan bitamtaniif Rabbiin galan haa gayu.