Popular Bible Verses from 2 ታሳ 2

Share

ኦ̈ናካር ኣሲ ኣ ጎይባርካር ማ̈ቂ̇ን ዪንታ̇ ጪ̈ጪንቻፖ̇፤ ቲ̈ኒታሪ ዉጫ ኦ̈ሲን ዬ̈ካ̇ይዶንኬ ያብ ጊ̈ጊንቲ̇ኖ ውጫ ና̈ሳ ዬ̈ካ̇ይዶን ዪና̇ ቃሚ̇ን ዬ̈ባሴ።

ጾ̈ሳ̇ባር ካን̇ቲኖ ኑ ኢሺንታ̈ን! ኑ̈ኒ ዪንታ̇ጊሽ ዎይ ጋላስ ጾ̈ሳ̇ ጋላታንዳ̇ብ ኮሺ̇̈ሬ፤ ኑ ኢያ ጋላታዚንዳ ዪንቲ̇ ጌ̈ሻ̇ ኣያ̇ናባር ጌ̈ዥጋሪ ኪንን ኣማ̇ናሪ ፋጻምፔ̈ኒ ጾ̈ሲ ቲ̈ኒታር ዪንታ̇ ማራ̇ጺኒኮታ̇ቦ።

ዪ ዉ̈ጫ ና̈ሳ̈ዲ ጾ̈ሴ ጌይ ጼይጊንቲዛ̈ን ጋልዳፖኬ ኣሲ ጎሽቲ̇ዝ ባዝ ዎይ ጋልዳፖ ፌ̈ና ሾክ ሾክ ዎቲ̇̈ሬ፤ ኢ ኢ̈ጫካይ ጾ̈ሳ̇ ኬ̈ ጋርታ ዶኣሪ ፌ̈ና ጾ̈ሴ ጌይሬ።

ኢ ኑ ጎዳ ዬሱ̈ስ ክርስቶ̈ሳኬ ኑ̈ና ካኖ ፌ ኮሺ̇ቲንባር ሜና ሚ̈ንቲንዲኬ ማ ኮሻ̇ ታስፋ ኢሚ̇ኖ ጾ̈ሳ̇ ኑ ባ̈ባ̈ዲ ዪንታ̇ ቡ̈ዲን ሚ̈ንጋቤ፤ ማ ዪንቲ̇ ኮሽ̇ ማ̈ቂ̇ኖ ባዝ ዎይ ኦ̈ምፔ̈ንኬ ሶ̈ላምፔ̈ን ዪንታ̇ ሚ̈ንጋ̈ቤ።

ዪ̈ኮታ̇ቦ ዎርዳ ባዚን ኣማ̇ናምፔ̈ኒ ጾ̈ሲ ኢንታ̇ ባሊዝ ዎልቃ ሚሺ̇̈ሬ።

ዪ ዉጫ ና̈ሳ ዬይዛ̈ዲ ሴ̈ጣና ዎልቃባራ ኣስ ባሊዝ ታ̈ሚ̇ራ̈ታኬ ማላ̇ኬ ማ ኣስ ጋራ̇ሚሲዝ ባዝ ኦ̈ሙታ ዬይሬ። ማ ዪዝ ኣሳን ጪ̈ጪንቺ̇ዝ ኢ̈ታ ኦ̈ሳ ዎይ ኦ̈ሙታ̇ ዬይሬ፤ ዪን ኣሳን ያዚንዳ ኢንታ ፋንዳብ ዳንዳኣዝ ኪንን ካር ኣማ̇ናካይ ኣቲ̇ኖኮታ̇ቦ።

ዉ̈ጫ ዎልቃ̈ዲ ኣሳብ ፌ̈ና ቤይሳካ̇ይዶሪ ዓት ኦ̈ሳ ጋ̈ልዳ ዎ፤ ማ̈ቂናካር ኢ ኦ̈ካ̇ይፌ̈ን ካዪዛ̈ዲ ፋኪ̇ዝ ዲራስ ኢ ኦ̈ሳካ̇ይፌ̈ኒ ኢያ ካዪሙታ ዶኢ̈ሬ።