Maaca dibroh yemeeten waqdi, oson Daagon akak iyyaanamay yaqbudeenihiyya, YALLIH Qahdi addat akak yan Sanduguk foocal gommoh raddeh keenih sugte. Ugussa heenih, elle suge ikkel akah suge innah, soolissa heenih caben. Nammeyhaytoh ayro kaadu yemeeten waqdi, woo ceelo gaboobi kee amo keenih luk masuginnaay; YALLIH Qahdi addat akak yan Sanduguk foocal raddeh keenih sugte. Amo kee namma gaba akak tiddigilleh sugteeh, Daagon qibaadah bicsen qari akak culan afal raddeh keenih sugte.