Popular Bible Verses from 1 Samuwel 17

Share

Too waqdi Dawuduuy, «Atu seefiiy macaxu kee xer rikel qidan af le birta macaxu haysitteh temeete. Yoh tu gactek, Israayil qaskaray atu bursuttehiyyah Dageltih migaaqal emeete. Usuk YALLAY Nabaamak Nabahiyya.

Akkel yan mari kaadu YALLI isi mara cata'gidih seef kee macaxu faxe waam ablelon. Qeebil taysu waytam YALLAAY; takkeenimik ni gabat sin heele» kaak iyye.

YALLAY lubokwa kee gersi alluwwak yoo catehiyya a Filistiin numuk yoo catele» iyye. Saawuluuy, «Meqeh hay, YALLI ko'lih yanayak gex» kaak iyye.

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.

saq dacrisa waqdi gabat haak suge caxxa hirgitta heeh, sarrak buyyi-garik saytun xeetik konooy ukkuqqu heeh, oloh addat hee. Sarrakaay wanxef bicsitti heeh, Golyaadat qeebi aba'gidih gexe.

Dawud kay fan yemeete waqdi, Saawuluk, «Yi amoytaw, a Filistiin-numuk faxe num meysite waama. Anu away gexeh qeebi kaat abeyyo» iyye.