Popular Bible Verses from रोमि 11

Share

बाक्याकि ओरे सबोय आयि बनेकितोर अनि ओनाय द्वारा सबोय आयि आन्ता। अनि सबोय आयि ओनाय मन्ता। सबोय काळते ओना हजोर आदर आसोर मनि। आमिन।

वा! वा! परमेस्वर ओना दन, बुद्धि अनि ग्यानते बाताल आयि कितोर ओद बोने समजेमायो! अनि ओना बुतो कियाना रितितुन वने बोरे समजेमाय परोर!

बाक्याकि “प्रबुना मन्दा विचारतुन बोर समजेमातोर? अनि बोर ओन सल्ला हिया परान्तोरक?

अनि इदामे नेन्ड वने मन्ता परमेस्वर आपुनोर यहुदिलोकुरकुन दया किस हुचुलोर लोकुरकुन आचुन इरतोर अदामे इदेकवनाह हुचुलोर लोकुरक परमेस्वरनिगा विस्वास इरान्तोरक। अनि ओरा बोदायि सोबाय बुतोता कारणते आयो मति ओरकुन दया किस परमेस्वर ओरकुन आचतोर; ओरा बुतोता कारणते ओरकुन आच मनेर ते ओना दया बेकार मन्ता।

यहुदिलोकुरक इदाम जयतुन मरा लेहका मन्तोरक ओरकुन सोबाय कायांग हियान साटि परमेस्वर आपुनास उरसतोर अनि संभाले कियाला आतोर। मति आपुनास केळातिगा मोळियान्ता ओद मरा लेहका निमाट यहुदि आयोर लोकुरक मन्तोरिट। इदेक परमेस्वर उरसता मराता हुचुक कोहक कदियतोर अनि केळाता मराता कोहक लेहका मन्तोरिट मिकुन परमेस्वर उरसता मरातिगा कलम किस जोळेकितोर इन्जोर निमाट वने हिरकतासंग जोळेमातोरिट अनि मिकुन वने ओव हिरकताल लाव पुटान्ता। सोबाय कोहकुन कदियस मिकुन ओदे मरातिगा कलम कितोर ते निमाट घमन्ड केमाट अनि निमाट घमन्ड किन्तोरिट ते निमाट हिरकुन संभाले केविट मति हिरक मिकुन संभाले किन्तांग इन्जोर आटवन इराट।