Popular Bible Verses from Tap 14

Share

Lag am kamabo Yawi. Ay lag am kalimu kanya fag ngay taw aroro gbabo waban tam fia. We ggubuk anya fagayu, dewa katanya, Yawi ggubuk tua antam. Nu katanya, lag am kalimu kanya fag ngay taw.”

mafangesug o ay di o gfangadotama ay gfalyam tuo ngay taw at asalanan. Dewa katanya, gfaurianan o ngay tagasalanan, sitsigons fatulu ay faufatk kasugfunanan.

Yawi, nu kaylat tua antam, gufud tua ban antam gina tam glao sanya fag talun at masine ay at maramraman, ay gfon waban fia antam.

Dewa katanya, ku fagsuguan Kaleb umdasug sas talun Kanaan, aroro saman tua at ugali, gtungud yay tiba ay kanya nafaning angku sas fagdaul at amatanganan. Ay gbanwan yangay ban sanya at ngay kasugfunanan.

Nu katanya, longi sa anya fagayu te, ‘Au Yawi, gfatuyanan au te, kafanud nu gleleg au, gfon kban fagayu ku nadungug ay fagetun sa angku.

Yawi nalong sas Muisis te, “Ginain yaban tuy fag ngay taw nu gfalingun angku? Ginain yaban kanya fagayu nu yud gafanud sa angku dewa au nafakamulun at ngay madulo sa anya fagayu?

Kanya fagayu gfayud Muisis ay Arun, ay nalong sas duksay te, “Amasine yap nu kabul tam sis talun Igiptu ay mannga stie fag talun at yud e taw.

Uswe, Nun at baguama, ay Kaleb, Efune at baguama, nagirat at mesa lanbung laman gfalag te, kabalu. Kanya fag dua nanangalo nu nanginsaful sas talun Kanaan. Ay kafag dua nalong sa sangay taw Israel te, “Masine mandi em nananginsaful fag talun.

Dewa katanya, au Yawi, gfatuyanan au te, kaksvn nu gleleg au ay ku fagmasineun nu kapnu fagdaul daga, wa ban e madasug sas talun ku nafatuyanan sam ngay mangaguyang. Kanya fagayu dewa nalag ku kamasinean ay fagayu ku nafakamulun at madulo sas talun Igiptu ay sas talun at yud e taw, kanya fagayu kamabo way gugat angku ay wa gfaning ku ngay suguan. Nu katanya, kafag ngay takamabo wa madasug sanya fag talun.