Popular Bible Verses from Nemyas 9

Share

Dewa katanya, em ngay mangaguyang nafamaogatun at ngay amatanganan, ay wa nafaning am ngay suguan. Kanya fagayu wa nafaning am ngay longan, ay wa namatang am ngay nafakamulun at madulo. Kanya fagayu nafamaogatun, ay nafamabo siginan nu gfili at ngay tagfangguna laman gdog nangasik fagsuguan sas talun Igiptu. Dewa katanya, o wan Dius at mafalganan gfalyam ngay asalanan, at mafangafanyu, at yud gfangalyam, at yud masakit gfangadotama, ay at mafangesug. Nu katanya, di o nafabayan anya fagayu

Yawi, o wan at nawat banwa, ngay galeme, daga ay dagat, ay fagayu tagbanwan sanya. Ay nafae leleg o fagayu am awatan tagleleg, ay am ngay tagbarita sis banwa gseg tua gugat emu.

Dewa katanya, aroro kesug tuo anya fagayu, di o nafabayan gina sis talun at yud e taw, ay di o nafalyam kafag turuk linyabu tagfangguna anya fagayu gina swa menit, ay turuk afuy tagyamag sat ngaba dalan gina glao sad yabi. Nafadasug o am Masine fag Falad laman tagfoyung anya fagayu. Ay nafon tuo mana laman at fakonun, ay nafon yangay o mamam gina kadanum. Ay nafon yangay o sa anya fagayu at ngay fagayudanun kaduge ufatk safuluk banwa gina sis talun at yud e taw, ay at ngay lanbung di nrasras, ay gina glao, at ngay darafa di nbaga.