Popular Bible Verses from Ub 2

Share

Ay at mangena nalong sa anya te, “O matuyan yay o gugat sam Dius? Longi wan sa anya at mauri, maro gfabul wan emu.” Ay Ub gbalus te, “Am ngay longan kata way sik mauri fag mangena at ngay longan. O nunda ban at masine way lang fagayu tam fakaylatun siginans Dius, o ay nunda ban bunwa anggan tua fagidapun?” Ub dewa nadalan takatanya fagayu, kanya di nasalanan ay di nafayud Dius.

Ay Yawi gdog yay ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun. Kanya matuyan tua gugat sa angku dewa o nafabulun sa angku laman kaylat au nu gfaurianan o anya deyud e asalanan.”

Ay Yawi nalong sas Satanas te, “Kin, namakamulun wo kata am fakaylatun sa anya, ay dewa katanya, lag gfabul.”

Ub at fagadgalangan at tulu nadungug at kindasug sa anya. Kafag tulu at ngay ngayan te, Elifas sik taw Teman, ay Bildad sik taw Sua, ay Sufar sik taw Naama. Ay mangama tulu ansadi nansibo Ub laman namalag te, kabalu yangay, ay laman namasun anya. Ay siginans fakasurayan mangama tulu nu nalag Ub arvs wa natoglag, ay kafag tulu nawayway maksvn ay nagirat at mesa lanbung ay nafasat mesa alfuyu dafug laman gfalag te, kabalu. Ay kanya fag mangama tulu namalunggung sisad lutuk magamut at fagadgalangan Ub kaduge fituk menit ay fituk yabi. Kadugenya mangama tulu wa naringang aroro nalag te, Ub maksvn nu gidapan.