Popular Bible Verses from 2 Krunika 20

Share

Ay Akasyel nalong te, “Fun Eusafat ay fagayu am tagbanwan sis Uda ay sis Erusalem, dungugani! Katatuy Yawi at longan ayu, ‘Lag am kalimu ay kamomuy kafag ngay tagfawayan ngayu, aroro bunwa ro am at namawayan anya fagayu nu bunway Dius tua.

Wa ban am gfawayan ya. Falganani ay maksvni, ay lumag ban am Yawi nu gfalangfe ayu. Nu katanya, am fag ngay taw Uda ay taw Erusalem, lag am kalimu ay kamomuy. Balabag ban namablang am kanya fag ngay tagfawayan ay Yawi ban gufud ayu.’ ”

Em Dius, o wo gfaurianan ya kanya fag ngay taw? Aroro wami makatu gfawayan kafag ngay tagfawayan ngayu. Wami saful em fakamulun, dewa katanya, gafanud ami sa emu.”

Ay Eusafat nu nafakamatoan wan ngay taw, kanya nafili sik ngay tagfangguna alubad laman gfangguna anya fagayu ay kanya fagayu galubad gfauseganan Yawi sit daga salubangan. Kanya fagayu galubad te, “Fauseganani Yawi, aroro nu kesug we fakatabuan.”

Ay kanya fagayu gina nafasigad nalubad guseganan, Yawi naylat ngay taw Muab ay ngay Amun ay ngay taw tagsiginans Buksul Seir nu gawayan.

Ay Eusafat anlimu ay ankakbang sas Yawi. Ay nasugu sas fagayu taw Uda te, “Lag tam gfangon laman gdarangin tam.”

‘Nu e ndasug ban sa emi faurianan kata awayan, fagidapun, ay fanlunus, nanmalindug ban mi sa am bale at daga salubangan nu inda nu gfauseganan ami emu. Get ban mi sa emu gubuk aroro sa em fagidapun, ay dungugi tua ban ay falangfei emi.’

Balabag ban tagbungi ay namablang ban am anya fagayu, ay glag ban am kanya fagayu nu gundaud sas Sis, sas tigyangan datag tagsis Eruel fag talun at yud e taw.

Nu katanya, anful fagayu taw tagsiginans fagayu furuan tagsis Uda, laman get gubuk sas Yawi.