Popular Bible Verses from 1 Kurintu 15

Share

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

Ay dewa katanya, guseganan tam sas Dius, aroro siginan tam Fun Isus nafababo tua antam.

Lag am gadayan. Aroro sik faudgufudan nu mauri way gfauri way at masine fag ugali.

Ay dewa katanya, siginan tam Dius at fagmagalangun, ansik nasugu kyangay. Ay di nfangulan Dius at nafon angku, nu bunway naugatan ktua nafakamulun gtungud yay ku ngay ibama at nafakamulun. Dewa katanya, bunwa siginan ku sadili fagmakatuun, nu bunway siginan tua tam Dius at fagmagalangun sa angku.

“Fakabulun, dada wan am fagmababoun? Fakabulun, dada wan am fagmabalyananun?” Asalanan tagfon ganga sas fakabulun, ay Muisis at Faugali tagfon fagmabalyananun sas asalanan.

Dungugani, gfoyung au sa ayu sik foyungan at masuksukan te, bunwa ban tam fagayu takabul, dewa katanya, fagayu ban tam bilug umtubus. Ay kaduge way ban sik liplip mata gasfuan sik budyung at awang taguyan, Dius gfadog ban gfaleleg at ngay kinbul ay wa ban gdog ya kabul. Ay itam tagleleg yay, Dius ban gtubus yangay tam bilug.

Ay siginan sadik taw nu nke fakabulun way, Dius namadog ban gfaleleg ngay kinbul, siginan yangay sadik taw. Aroro nu setain taw nu e fakabulun siginan at fagmasadiun sas Adan, katanya yangay ban Dius nu gfadog gfaleleg fagayu taw aroro siginan at fagmasadiun sa tam Fun Isus.

Aroro takadan fag bilug umtubus sat yud kadan, ay takabul umsik yud kabul.

Aroro masine tam Fun Isus nu gfagtainan yakmay ban nafasa at daga darafa at ngay fawayan. Ay taguyan ban at fagnamaboun, fakabulun wan.