Popular Bible Verses from कुलुस्सियन 1

Share

उँइन हमहीं पंचन काहीं अँधिआर के सक्ती अरथात सइतान से मुक्ती दइके, अपने पियार लड़िका के राज माहीं प्रबेस कराइन हीं।

काहेकि जउन कुछू स्वरग माहीं हँय, अउर धरती माहीं हँय, उनहिन के सक्ती के द्वारा उत्पन्न भे हँय, सब कुछ जउन देखाई देत हें, अउर जउन देखाई नहिंव देंय, चाह सिंहासन होंय, चाह राज होंय, चाह कउनव सासन करँइ बाले होंय, अउर चाह कउनव अधिकारी होंय, सब कुछ उनहिन के द्वारा बनाए गे हँय, अउर उनहिन के खातिर बनाए गे हँय।

अउर उँइन सगली चीजन काहीं बनामँइ से पहिले रहे हँय, अउर उँइन सगली चीजन काहीं स्थिर करत हें।

ऊँ त देखाई न देंइ बाले परमातिमा के रूप आहीं, अउर सगले संसार माहीं पहिलउठा आहीं।

एसे जउने दिना से हम तोंहरे बारे माहीं इआ सुने हएन, त हमहूँ घलाय रोज तोंहरे खातिर इआ प्राथना करित हएन, कि तूँ पंचे आत्मिक ग्यान अउर समझ पायजा, अउर परमातिमा के इच्छा तोंहरे बारे माहीं का ही, इआ निकहा से जान जा। जउने तोंहार चाल-चलन प्रभू के काबिल होय, अउर तूँ पंचे हरेकमेर से प्रभू काहीं प्रसन्न करँइ बाला जीबन जिअा, अउर तूँ पंचे हरेकमेर के भलाई के कामन काहीं करँइ माहीं लगे रहा, अउर परमातिमा के ग्यान माहीं लगीतार बढ़त जा।