Popular Bible Verses from 1 तीमुथियुस 4

Share

हे तीमुथियुस, तूँ अबे जमान हया, इआ कारन से कोऊ तोंहार निरादर न करँय पाबय, बलकिन तूँ अपने बात-चीत म अउर चाल-चलन म, अउर प्रेम करँइ म, अउर परमातिमा के ऊपर बिसुआस करँय, अउर अपने पबित्र जीबन से सगले बिसुआसिअन के खातिर आदर्स बन जा।

काहेकि कसरत कइके देंह काहीं मजबूत बनामँइ से खुब फायदा नहिं आय, पय परमातिमा के सत्य सिच्छा बताउब सगली बातन के खातिर फायदे मन्द ही, काहेकि इहव समय माहीं फायदा हय, अउर अनन्त जीबन देंइ के करार, एहिन खातिर कीन गे ही।

अउर खुद के जीबन, अउर जउन उपदेस देते हया ओखर चउकसी करा, अउर ईं बातन काहीं हमेसा करत रहा, जइसन हम तोंहईं बतायन हय, काहेकि अगर तूँ इहइमेर करत रइहा, त तूँ अपने अउर सुनँइ बालेन के खातिर घलाय मुक्ती पामँइ के कारन बनिहा।

पय पबित्र आत्मा बेलकुल सही बताबत हय, कि मसीह के दुबारा आमँइ से पहिले अन्तिम दिनन माहीं, कुछ जने लबरी सिच्छा देंइ बालेन के बातन माहीं फँसिके, अउर बुरी आत्मन के सिच्छन माहीं बिसुआस कइके, परमातिमा के ऊपर किहे बिसुआस से भटक जइहँय।

पय तूँ बुढ़ान मनइन के व्दारा सुनाई जाँय बाली उन मनगढ़ंत किस्सा-कहानिन से दूरी रहा, जिनखर परमातिमा के बचन से कउनव लेन-देन नहिं आय, अउर परमातिमा के सत्य सिच्छा मनइन काहीं सिखामँइ माहीं लगे रहा।

जब तक हम तोंहरे लघे न अई, तब तक मसीही मन्डली माहीं सगले जनेन के आँगे पबित्र सास्त्र के बचन पढ़ँइ, अउर उपदेस के बातन काहीं सिखामँइ माहीं लगे रहा।