Popular Bible Verses from 1 कुरिन्थियन 15

Share

एसे हे हमार पियार भाई-बहिनिव, तूँ पंचे बिसुआस माहीं मजबूत होइके, प्रभू माहीं अटल रहा, अउर प्रभू के काम करँइ के खातिर, खुद काहीं पूरी तरह से समरपित कइ द्या, काहेकि तूँ पंचे इआ जनते हया, कि प्रभू के खातिर जउन मेहनत तूँ पंचे करते हया, उआ बेकार न होई।

पय हम पंचे परमातिमा काहीं धन्यबाद देइत हएन, कि ऊँ हमरे प्रभू यीसु मसीह के द्वारा, हमहीं पंचन काहीं पाप अउर मउत से जीत देबाबत हें

अउर जे कोऊ अइसन कहत हें, त उनखे बातन माहीं परिके, धोखा न खया, काहेकि “बुरी संगति निकहे चरित्र काहीं बिगाड़ देत ही।”

पय हम अब जउन कुछू हएन, त परमातिमा के किरपा से हएन, अउर उनखर जउन किरपा हमरे ऊपर भे ही, उआ बेकार नहीं गय; काहेकि हम ऊँ सगले खास चेलन से जादा मेहनत किहेन हय, अउर सचमुच उआ मेहनत हम खुद न होय किहेन हय, पय हमरे ऊपर किरपा कइके ओही परमातिमा किहिन हीं।

“हे मउत, तोर जीतब कहाँ चला ग? अउर तोर डंक घलाय कहाँ चला ग?” अउर मूसा के बिधान से हमहीं पंचन काहीं इआ जाने मिलत हय, कि हम पंचे पाप करित हएन, अउर पाप के कारन मउत काहीं सक्ती मिलत ही, एसे हम पंचे मरित हएन।

सुना, हम तोहईं पंचन काहीं भेद के बात बताइत हएन, कि हम पंचे सगले जने मरब न, पय हमार पंचन के रूप बदल जई। अउर जब आखिरी तुरही बजाई जई, तब एक पल माहीं मरे मनई, कबहूँ न नास होंइ बाली देंह काहीं पाइके जिन्दा होइ जइहँय; अउर जे कोऊ उआ समय जिन्दा रइहँय, त उनखर रूप बदल जई।

काहेकि जब पहिल मनई आदम पाप किहिस, एसे संसार माहीं मउत आइगे, उहयमेर से दूसर मनई मसीह के द्वारा मरेन म से दुबारा जिन्दा होब सुरू भ। अउर जइसन आदम के द्वारा पाप करँइ के कारन, सगले मनई मरत हें, उहयमेर जे कोऊ मसीह के ऊपर बिसुआस करत हें, ऊँ पंचे घलाय जिन्दा कीन जइहँय।

काहेकि हम पंचे इआ नासवान देंह काहीं लइके स्वरग माहीं नहीं जाय सकी, एसे उहाँ जाँय के खातिर मरँइ बाली इआ देंह काहीं, अमर रहँइ बाली देंह माहीं बदला जाब जरूरी हय।

काहेकि जब तक ऊँ अपने सगले दुसमनन काहीं हराय न देइहँय, तब तक उनहीं राज करब जरूरी हय। अउर सगलेन से आखिरी दुसमन, मउत काहीं घलाय नास कीन जई।