Popular Bible Verses from റോമഗാറാര് 15

Share

നമ്മ സാമിന നമ്പുവാദ്‌നാലെ സാമി നമാക്ക് നിമ്മ്‌ദ്യാന പെ്ളേപ്പ്‌മ് പിര്യരിമുള്ള പെ്ളേപ്പ്‌മ് തര്‌ഡൊ. എന്ത്‌ക്കെന്റ് സൊന്ന അയി സാമിനത്തെ നമ്മ നെഞ്ചഡെ ബെത്ത്‌റ്‌ന്റാമ്. അത്തെ സാമി തന്ന് നിഗാല് സക്‌തിനാലെ നിമ്മ് നെഞ്ചഡെന സേത്തി സേത്തി ബരുസുഡൊ.

മുന്നുക്കു താനെ എ്ള്‌ദിര്‌ക്കുവ സാമി സൊല്ലുസുലാക്കഗാള് ഒട്ടുക്കുമു നമാന ബുദ്ദി പഡിസ്യ ബേ്ണ്ടിത്തെ എ്ള്‌ദി ബെത്ത്‌റ്‌ക്കുവാദ്. അദ്‌ന പഡിക്കാട്ടി നമ്മ എല്ലാദ്‌നാമ് പൊറുക്ക്യ മുഡിന്റവാര്‌മ് ദയിര ഉള്ളവാര്‌മ് ആയി നെഞ്ചഡോഡ നമ്മ കാത്ത്‌റ്‌ക്ക്‌ല.

ആന ക്‌റ്‌സ്‌ത്ത് ഏസ്സ് പെ്ളേത്ത പാസെ പെ്ളേക്ക്യ നോഡുവ നിമ്മ ഒട്ടുക്കു ഒത്തിമോഡ പെ്ളേക്ക്യ ബേ്ണ്ടി എല്ലാദ്‌നാമ് പൊറുക്ക്യ മുഡിന്റവാര്‌മ് ദയിര ഉള്ളവാര്‌മ് മാഡുവ സാമി നിമാന കയിതാങ്കുഡൊ. അത്തെ നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പാനാന സാമിന നിമ്മ ഒന്റേ മനേസ്സോഡ ഒന്റേ ജൊത്തില് ദൊഡ്ഡവാന് മാഡുവുറു.

അദ്‌നാലെ സാമിക്ക് മദ്‌പ്പ് കെ്ഡേക്ക്യ ബേ്ണ്ടി ക്‌റ്‌സ്‌ത്ത് നിമാന സേത്തി ബെത്ത പാസെ നിമ്മാമ് ആങ്കീങ്ക് സേത്തി ബെക്കുഡൊ.

നമ്മ് കൂട്ടാത്ത്‌ല് ഒന്റൊന്റാള്‌മ് ആങ്കീങ്ക് നല്ലാദ് കെ്ഡേക്കുവ കാര്യഗാള് ഗേയ നോഡികൊണ്ടു അവാര്‌ന പിര്യപഡുസുഡൊ. അത്തെ നിമ്മ അവാര്‌ന നമ്പിക്കേല് ഒറേപ്പുള്ളവാര് മാഡുഡൊ.