Popular Bible Verses from റോമഗാറാര് 12

Share

ബേ്റെ ആള്‌ഗാള്‌ന പാസെ നിമ്മ പെ്ളേക്കാദെ സാമി കണ്ണ്‌ക്ക് നല്ലാദ്‌മ് മെച്ച്‌പ്‌ഡിത്താദ്‌മ് നേര്‌മെ ഉള്ളാദ്‌മാന കാര്യഗാള് എന്തെന്റ് നെപ്പ്‌കെ്ഡേസ്യ ബേ്ണ്ടി നിമ്മ് മനേസ്സ്‌ന മാറ്റ്യ നിമാന സാമി കയിക്ക് ഒപ്പിസി കൊഡുനു.

അദ്‌നാലെ ഏസ്സ്‌ഗാറാരെ, സാമിക്ക് നമ്മോഡിര്‌ക്കുവ ഗവാന ബെത്ത് നോഡി നാന് നിമാക്ക് ബുദ്ദി സൊല്ലി പഡുസുവാദ് എന്തെന്റ് സൊന്ന: സാമിക്ക് മെച്ച്‌പ്ഡിത്ത്‌റ്‌ക്കുവാദ്‌മ് സാമിക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ക്കുവാദ്‌മാന ഉജുരുള്ള പലി മാഡി നിമാന സാമിക്ക് ഒപ്പിസി കൊഡുനു. ഇദ്‌ത്തെ നേര്‌മാന സാമി കുമ്മുഡ.

നിമ്മ ബെത്ത്‌റ്‌ക്കുവ നെഞ്ചഡേല് നിമ്മ പിര്യപഡ്‌ന്. നിമാക്ക് ബരുവ കജട്ടന പൊറിമോഡ താങ്ക്‌ന്, പരേസാത്ത്‌ല് സോറ്റു പോഗാദേന്.

നിമാക്ക് ആരാറ്റ കെ്ട്ട കാര്യഗാള് ഗേന്തദാന അവാര്‌ക്ക് കെ്ട്ട കാര്യഗാള് ഗേയ പാങ്കില്ലെ, നല്ല കാര്യഗാള് ഗേന്ത് കൊഡുക്കുവാദ്‌ത്തെ നിമ്മ പെ്ളേപ്പ് ആയിര്‌ക്കുഡൊ.

ക്‌റ്‌സ്‌ത്ത്‌ന നമ്പിര്‌ക്കുവ നിമ്മ പെ്റ്റപ്‌റാപ്പ്‌ഗാള്‌ന പാസെ ആങ്കീങ്ക് സീവാന്‌ബെത്ത് നഡാന്, ആങ്കീങ്ക് മദിസി നഡാക്കുവ കാര്യാത്ത്‌ല് നിമ്മ മുന്ത്‌നവാര് ആയിര്‌ന്.

നിമ്മ മനേസ്സാറ സീവാന്‌പഡ്‌ന്റവാര് ആയിര്‌ക്കുഡൊ, കെ്ട്ട കാര്യഗാള്‌ന ബെ്റ്‌ത്ത് തള്ളി നല്ല കാര്യഗാള്‌ക്ക് കെ്ട്ട്‌പട്ട് നഡാന്.

മുഡിന്തളാവുക്കു നിമ്മ എല്ലാ ആള്‌ഗാളോഡമ് പിര്യപിര്യാത്ത്‌റ്‌ന്.

എനാക്ക് മെച്ച്‌പ്‌ഡിത്തവാരെ, നിമ്മ താനെ പളി എ്ഡ്‌ക്കാദെ സാമിന മൊനേക്ക് തെ്ട്ടി പള്യെ്ഡ്‌ക്ക്യ ബ്‌ഡ്‌ന്. <<നാന് അവാര്‌ന പള്യെ്ഡ്‌ക്കുവെ, അവാര് ഗേന്ത പാവഗാള്‌ക്ക് നാന് അവാര്‌ന ദെ്ണ്ടിക്കുവെ>> എന്റ് ആണ്ടവാന് സൊന്റാന്.

നിമ്മ കള്ള ബീ്ഗാദെ സുറുസുറുപ്പോഡ ഇന്ത് ആണ്ടവാന് സൊല്ലുവ കാര്യഗാള്‌ന ബക്‌ത്യോഡാമ് മനേസ്സാറാമ് ഗേന്.

നിമ്മ എത്തവാള്‌ഗാള് എന്റ് നിമാക്കെ തെരിമ്. ആന അദ്‌ന ബ്‌ഡ നിമ്മ ദൊഡ്ഡവാര് എന്റ് നെനേക്കാദെ സാമി ഒന്റൊന്റാള്‌ക്ക് തന്ത്‌റ്‌ക്കുവ നമ്പിക്കേക്ക് തഗ്‌ന്ത പാസെ ബുദ്ദ്യുള്ളവാരായി നെനേക്കുഡൊ എന്റ് സാമി എനാക്ക് ഗേന്ത പ്‌ണ്ണ്യാത്ത്‌ല് നിമാക്ക് സൊന്റെ.

ആര്‌ക്ക്‌മ് കെ്ട്ടാദ്‌ക്ക് ബദ്‌ല കെ്ട്ടാദ് ഗേഗാദെ എല്ലാ ആള്‌ഗാള് കണ്ണ്‌ക്ക് പ്‌ഡിക്കുവ കാര്യഗാള് ഗേയ ഓരാഡ്‌ന്.

നിമ്മ ആങ്കീങ്ക് ഒത്തിമോഡിര്‌ന്, നിമ്മ ദൊഡ്ഡവാര് എന്റ് പെരിമെപഡാദേന്, ആന ഏ്ളെഗാളോഡ എ്ണേന്ത് നഡാന്, നിമ്മ നിമാന താനെ ബുദ്ദിഗാറാരെന്റ് നെനേക്കാദേന്.

ആന <<നിന്ന് പോട്ടിഗാറാര്‌ക്ക് പജിപ്‌ഡിക്കുവദാന അയാള്‌ക്ക് തിന്ന്യ തീനി കൊഡു, നീരറാക്കെ എ്ഡ്‌ക്കുവദാന കുഡിക്ക്യ നീര് കൊഡു, നീ അത്തെ ഗേന്തദാന അയാള്‌ന നാണഗെ്ഡ്‌സുവായി>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല.

നിമാന കൊഡിമെപഡ്‌സ്‌ന്റവാര്‌ക്ക് നല്ലാദ് ബരുഡൊ എന്റ് സൊല്ലുനു, സാപ്പ ഇക്കാദെ അവാര്‌ക്ക് നല്ലാദ് ബരുഡൊ എന്റ് സൊല്ലുനു. പിര്യപഡ്‌ന്റവാരൊപ്പ നിമ്മ പിര്യപഡ്‌ന്, കേ്യ്‌ന്റവാരോഡൊപ്പ നിമ്മ കേ്യിന്.

സാമിക്ക് പട്ടവാര്‌ക്ക് ബേ്ഡ്‌മാന കാര്യഗാള്‌ക്ക് ഉദാവി ഗേന്. നിമ്മ് പട്ട്‌ക്ക് ബന്ത് പോന്റവാര്‌ന നലമായി നോഡി ബ്‌ഡ്‌ന്.

ഒന്റു സരിഗലാത്ത്‌ല് പല മൂട്ടുമുറിഗാള് ഇര്‌ക്ക്‌ന്റല്ല. എല്ലാ മൂട്ടുമുറിഗാള്‌മ് ഒന്റേ ഗിലാസല്ല ഗേവാദ്. അദേപാസെ പല ആള്‌ഗാള് ആയിര്‌ക്കുവ നമ്മ ക്‌റ്‌സ്‌ത്ത്‌ക്ക് എ്ണേന്തനാലെ നമ്മ ഒന്റു സരിഗല ആയിര്‌ക്ക്‌ന്റവാര്‌മ് ആങ്കീങ്ക് സരിഗലാത്ത്‌ല ഒന്റൊന്റു മൂട്ടുമുറിഗാള്‌മ്‌ത്തെ.