1
റോമഗാറാര് 1:16
സാമി സേദി
നല്ല സേദിന പറ്റി നാന് നാണപഡുവാദില്ലെ, പെരിമെത്തെ പഡ്‌ന്റെ. എന്ത്‌ക്കെന്റ് സൊന്ന നല്ല സേദിന നമ്പുവ ഏവാര്‌ക്ക്‌മ് ആദ്യ എഗുദാര്‌ക്ക് പ്‌റ എഗുദാര് അല്ലാത്ത ജാദിഗാള്‌ക്ക്‌മ് തപ്പിസി കഡാക്കുവാദ്‌ക്കുള്ള സാമി സക്‌തി അദ്‌ലിര്‌ക്ക്‌ന്റ്.
Compare
Explore റോമഗാറാര് 1:16
2
റോമഗാറാര് 1:17
ബേ്റൊന്റുനാലെമല്ലാദെ നമ്പിക്കെനാലെ താനെത്തെ ആള്‌ഗാള്‌ന സാമി തന്ന് കണ്ണ്‌ക്ക് നേര്‌മെഗാറാര് മാഡ്‌ന്റാന് എന്റ് ഈ നല്ല സേദില് കാട്ടി തന്ത്‌റ്‌ന്റാന്. <<സാമി കണ്ണ്‌ക്ക് നേര്‌മെഗാറാന് ആയിര്‌ക്ക്‌ന്റവാന് നമ്പിക്കെനാലെ പെ്ളേക്കുവാന്.>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല.
Explore റോമഗാറാര് 1:17
3
റോമഗാറാര് 1:20
ഉലഗ ഉണ്ടാന നാള്‌ലിന്തേ സാമി ദ്‌ട്ടിസി ബെത്ത്‌റ്‌ക്കുവാദ്‌ന നോഡുന സത്ത്യമുള്ള ഒന്റു സാമി ഇര്‌ക്ക്‌ന്റാനെന്റ്‌മ് അയി സാമിക്കിര്‌ക്കുവ സക്‌തി തീന്ത് പോഗാത്താദെന്റ്‌മ് സൊക്കാന ബെ്ളിപട്ട്‌റ്‌ന്റ്. അദ്‌നാലെ ആര്‌ക്ക്‌മ് തറ്‌ക്ക്യ മുഡ്യാമാട്ട.
Explore റോമഗാറാര് 1:20
4
റോമഗാറാര് 1:21
അവാര് സാമിന തെരിന്ത് ഗുഡി സാമിക്ക് സാമ്യെന്നുവ മദ്‌പ്പ് കൊഡുക്കാദേമ് നണ്ണി സൊല്ലാദേമ് ഇന്താര്. അല്ലാദെ താനെ അവാര് ബുദ്ദിബോദ ഇല്ലാത്ത നെനേവുഗാറാര്‌മ് നല്ലാദ് കെ്ട്ടാദ് എന്തെന്റ് തെര്യാത്ത മനേസ്സ്‌ഗാറാര്‌മ് ആയി തള്ള്‌നാര്.
Explore റോമഗാറാര് 1:21
5
റോമഗാറാര് 1:25
അവാര് സാമിന പറ്റ്യുള്ള സത്ത്യന നമ്പാദെ ഉറുട്ടു മാഡിതള്ള്‌നാര്. ദ്‌ട്ട്‌സ്‌നവാന്‌ന കുമ്മുഡുവാദ്‌ന തള്ളി സാമി ദ്‌ട്ട്‌സ്‌നാദ്‌ന പൂസെക്കി അദ്‌ന അവാര് കുമ്മുഡുനാര്. ആന സാമി എന്നാല്‌ക്ക്‌മ് ദൊഡ്ഡവാന്‌ത്തെ, ആമേന്.
Explore റോമഗാറാര് 1:25
6
റോമഗാറാര് 1:18
മന്‌സാര് ഗേവ എല്ലാ കെ്ട്ട കാര്യഗാള്‌നാമ് പാവഗാള്‌നാമ് നോഡി സാമി പഡുവ മൊനെ മേലോഗാത്ത്‌ലിന്ത് ബെ്ളിപഡ്‌ന്റ്. എന്ത്‌ക്കെന്റ് സൊന്ന അവാര് കെ്ട്ട കാര്യഗാള് ഗേന്ത് ആള്‌ഗാള് സാമിന പറ്റ്യുള്ള സത്ത്യ തെരിവാദ്‌ന മുഡാക്ക്‌ന്റാരല്ല?
Explore റോമഗാറാര് 1:18
7
റോമഗാറാര് 1:26-28
അവാര് അത്തെ ഗേന്താദ്‌നാലെ അവാര്‌ക്കിര്‌ക്കുവ കാമ ആസെഗാള്‌ല് മാനതാന ഇല്ലാത്ത കാര്യഗാള് ഗേയ സാമി അവാര്‌ന ബ്‌ട്ട് കൊഡുത്താന്. അവാര് പെ്ണ്ണ്‌മക്കാള് ഗണ്ടാളോഡ ഉറാങ്കുവാദ്‌ന തള്ളി പെ്ണ്ണ്‌മക്കാള് പെ്ണ്ണ്‌മക്കാളോഡ താനെ ഉറാങ്കി ആഗാത്ത കാര്യ ഗേന്താര്. അദേപാസെ താനെ ഗണ്ടാള്‌ഗാള്‌മ് പെ്ണ്ണ്‌മക്കാളോഡ ഉറാങ്കുവാദ്‌ന തള്ളി ആങ്കീങ്ക് ഗൊഡ്ഡുക്കിക്കി ഗണ്ടാളോഡ താനെ ഉറാങ്കി നാണഗെ്ട്ട കാര്യ ഗേന്താര്. ഇത്തെ അവാര് ഗേന്ത കെ്ട്ട കാര്യഗാള്‌ക്കുള്ള ദെ്ണ്ടണെ അവാര് താനെ കെ്ഡേസ്‌നാര്. സാമിന പറ്റ്യുള്ള അറുവു കെ്ഡേസി നഡാക്കുവാദ്‌ല് ദൊഡ്ഡ കാര്യ ഒന്റുമില്ലെ എന്റ് നെനേക്കുവാദ്‌നാലെ ഗേയ പാങ്കില്ലാത്ത കാര്യഗാള് ഗേയ ബേ്ണ്ടി സാമി അവാര്‌ന കെ്ട്ട ബുദ്ദിഗാറാരായി പെ്ളേക്ക്യ ബ്‌ട്ടാന്.
Explore റോമഗാറാര് 1:26-28
8
റോമഗാറാര് 1:22-23
തമ്മ അറിവാളിഗാളെന്റ് അവാര് സൊല്ലി നഡാക്ക്‌ന്റാര്. ആന അവാര് ബുദ്ദില്ലത്തവാര് ആനാര്. അളിവില്ലാത്ത സാമിക്ക് മദ്‌പ്പ് കൊഡുക്കാദെ അവാര് അളിന്ത് പോവ മന്‌സാന്, പക്കി, ബേ്ണ്ട്‌വ്‌റാവു, ഊരുന്ത് നഡാക്കുവ ഉജുരുകെ്ളെഗാള് സെലെഗാള്‌ക്ക് മദ്‌പ്പ് കൊഡുത്താര്.
Explore റോമഗാറാര് 1:22-23
Home
Bible
Plans
Videos