Popular Bible Verses from 2 കൊരിന്ത്യഗാറാര് 1

Share

നമ്മ് സാമിമ് നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ത്ത് അപ്പാന്‌മ് ആന സാമിക്ക് നാന് നണ്ണി സൊന്റെ, അയി സാമി ഗവ ഉള്ള അപ്പാന്‌മ് എല്ലാ ദിന്‌സ്‌ല് പിരാക്കി ബെക്കുവ സാമിമ്‌ത്തെ. എമാക്ക് ബരുവ എല്ലാ കജട്ടഗാള്‌ല്‌മ് സാമി എമാന പിരാക്കി ബെക്ക്‌ന്റാന്. അത്തെ സാമി എമാന പിരാക്കി ബെക്കുവാദ്‌നാലെ ഒന്റൊന്റാള്‌ഗാള്‌ക്ക്‌മ് ബരുവ ഒന്റൊന്റു കജട്ടഗാള്‌ല്‌മ് എമാക്ക് അവാര്‌ന പിരാക്കി ബെക്ക്യ മുഡിന്റ്.

ക്‌റ്‌സ്‌ത്ത് പട്ട കൊഡിമെഗാള് എമ്മ് പെ്ളേപ്പ്‌ല് പെരിഗി ബരുവ പാസെ ക്‌റ്‌സ്‌ത്ത്‌ന ബെത്ത് സാമി എമാന പിരാക്കുവാദ്‌മ് പെരിഗി ബന്റ്.

കൊല്ല്യ ബേ്ണ്ടി ബിദിത്ത്‌റ്‌ക്കുവ ആള്‌ഗാള് എന്റ് എമ്മ എമാന പറ്റി താനെ നെനേക്കുവാദ്‌ക്കായി ബന്ത്‌ദ്. ആന എമാക്ക് ബന്ത ഈ കജട്ടഗാള്‌ന തീര്‌ക്ക്യ എമാക്ക് എന്തൊന്റു ഗേയ മുഡിമ് എന്റ് നെനേക്കാദെ സത്തവാര്‌ന ഉജുര്‌ളാക്ക്‌ന സാമിക്ക് താനെ അണ്ട്‌നേമ്.

നമാന എല്ലാവാര്‌നാമ് ക്‌റ്‌സ്‌ത്ത്‌ക്ക് ബേ്ണ്ടി ഉന്നേത്ത് എ്ഡ്‌ത്താദ് സാമിത്തെ. അയി സാമിത്തെ എമാന നിമ്മോഡൊപ്പ ക്‌റ്‌സ്‌ത്ത്‌ക്ക് ബേ്ണ്ടി ഒറേപ്പ് മാഡി ന്‌റ്‌ത്തുവാദ്. നമ്മ സാമിക്ക് സൊന്തഗാറാര് എന്റ്‌മ് നമാക്ക് ബേ്ണ്ടി സാമി സേത്തി ബെത്ത്‌റ്‌ക്കുവാദ് ഒട്ടുക്കു നമാക്ക് കെ്ഡേക്ക്‌മ് എന്റ്‌മ് ഒറേപ്പ് മാഡ്യ ബേ്ണ്ടി സാമി തന്ന് നിഗാല്‌ന അഡ്യാളായി മുദാല് താനെ നമ്മ് മനേസ്സ്‌ക്ക് തന്ത്‌റ്‌ന്റാന്.

എമ്മ കജട്ട പഡ്‌ഗാട്ടി എമാക്ക് നിമാന പിരാക്കി ബെക്ക്യ മുഡിമ്. അത്തെ നിമാക്ക് സാമി ആസെപഡുവ പാസെ പെ്ളേക്ക്‌ന്റവാരായ മുഡിമ്. എമാക്ക് ബന്ത കജട്ടാത്ത്‌ല് എമ്മ പിരാക്കി ബെത്ത്‌റ്‌ന്റവാര് ആനദാന അദേ കജട്ടഗാള് നിമാക്ക് ബര്‌ഗാട്ടി നിമാക്ക്‌മ് അദ്‌നെല്ല പൊറിമോഡ താങ്ക്യ മുഡിമ്.