Popular Bible Verses from लूका 6

दींणा रावा अर तुम तैं भि दिये जालो: लोग पूरो नाप-नाप अर दबै-दबै के अर हिलै-हिलै के अर तुमारा खुचल्या मा डलला किलैकि जै नाप से तुम नपदा छा वे ही नाप से तुम कु भि नपे जालो अर तुम तैं बिजां दिये जालो।

भलो मनिख अपड़ा मन का भला भण्डार बट्टी भलि बात निकलदु अर बुरो मनिख अपड़ा मन का बुरा भण्डार बट्टी बुरी बात निकलदु किलैकि जु मन मा भुर्युं च उ ही वेका गिच्चा मा औंदु।

पर अपड़ा बैरियों बट्टी प्रेम रखा अर भलै कैरा अर फिर पौणे की आस नि रखि के उधार दियां अर तुम कु बड़ो प्रतिफल होलो जनके तुम अपड़ा स्वर्गीय पिता परमेश्वर कि संतान ठैरिल्या किलैकि उ ऊंकु भि जु धन्यवाद नि करदींनि अर बुरा लुखुं कु भि दयालु च।

जन तुमारो स्वर्गीय बुबा दयालु च उन ही तुम भि दयालु बंणा।

दूसरों कु जांच कैरी के न्याय नि कैरा त परमेश्वर भि तुमारो न्याय नि करलो अर भंगार नि लगावा त परमेश्वर भि तुम पर भंगार नि लगालो दूसरों तैं माफ कैरा त परमेश्वर भि तुम तैं माफ करलो।

पर मि तुम मा यु बुल्ण छौं कि अपड़ा बैरियों से प्रेम रखा जु तुम दगड़ी बैर रखदींनि ऊंकु भलो कैरा। जु तुम तैं गलि द्ये ऊं तैं आशीष द्या, जु तुमारो अपमान करदो ऊं कु परमेश्वर बट्टी प्रार्थना कैरा।

अर जन तुम चांदा छा कि लोग तुम दगड़ी कैरो तुम भि ऊं दगड़ी उन ही कैरा।

जु कुई तेरा दैंणा गल्लोड़ा पर थपड़ी मारु त वेकी तरपां दुसरु भि फेरी दे कुई त्वे पर मुकदमा कैरी कै तेरु कुर्ता लींण चौ त वे तैं फ्त्यु भि लींण दे। जु कुई त्वे बट्टी मांगो वे तैं दे अर जु त्वे बट्टी उधार लींण चौ वे बट्टी मुक नि फरकौ।

कुई अच्छो डालो इन नि हूंद जु निकमो फल लौ अर न त निकमो डालो अच्छो फल लांद।

हरेक डालो अपड़ा फल से पैछाणे जांदु किलैकि लोग झाड़ियों बट्टी बेडु नि तोड़दिनि अर न झिबलांण बट्टी अंगूर।