Popular Bible Verses from ruma 6

Share

ašku tiġrad n‑ddnub lmut a‑stt‑igan, walaynni tikki n‑rbbi tga tudrt idumn f‑uwdm l‑lmasiḥ yasuɛ siditnnġ.

ur‑ra‑kʷn‑nrun ddnub ašku ur‑tgim ġwilli‑f‑illa ššrɛ, walaynni tgam ġwilli‑f‑tlla lḥnant n‑rbbi.

ntyawmḍal dids s‑udum lli‑irwasn i‑lmut baš a‑nddr s‑tudrt l‑ljdid, ġmklli‑d‑inkr nttan zġ‑lmut s‑tḥkimt n‑rbbi babas.

a‑ur‑takkam igzman n‑ddat‑nnun zund irukutn l‑lh̬ʷšant ad‑skarn ddnub. walaynni fkat ih̬fawn‑nnun i‑rbbi zund ġwilli nkrnin zġ‑lmut s‑tudrt l‑ljdid, tfkm igzman‑nnun i‑rbbi zund irukutn n‑ufulki.

nssn mayd‑aġ‑ijran. immut zġ‑ginnġ bnadm aqdim lli‑sttin‑nkka nga‑t. immut d‑lmasiḥ f‑uggjdi baš a‑titti lquwwa n‑ddnub zġ‑uwl‑nnġ a‑ur‑sul‑ng ismgan i‑ddnub.

ġmkad a‑kʷn‑d‑iqqan ula kunni a‑tgm ih̬f‑nnun d‑willi mmutnin i‑ddnub tddrm i‑rbbi f‑ssibt n‑ma‑tgam win lmasiḥ yasuɛ.

ma‑ra‑nini f‑mayad? is‑a‑nzayd ġ‑ddnub baš a‑ttigat lḥnant n‑rbbi? uhu, urd ġmkan a‑ra‑nskar. ašku nkkʷni nmmut i‑ddnub. mamnk a‑ra‑niri a‑sul‑gisn‑nzayd?

ašku tssnm mayad: iġ‑tfkam ih̬f‑nnun i‑kra n‑yan a‑tskarm ma‑ira, twrrim tgam ismgan i‑walli mi tskarm s‑wawal‑ns. iġ‑a‑tskarm ddnub rad‑awn‑tili lmut, walaynni iġ‑a‑tskarm ma‑ira rbbi rad‑awn‑yili‑ufulki lli‑s‑irḍa.

imma ġilad illa fllannġ a‑bahra‑ntalġ rbbi, ašku kunni lli‑sttin‑ikkan tgam ismgan n‑ddnub, hati twrrim ar‑tskarm s‑nniyt n‑uwl‑nnun s‑tnbaḍin n‑ulmmud lli‑mi‑tsfldm. ifsi‑awn rbbi zġ‑iskraf n‑ddnub aylliġ twrrim tgam ismgan n‑rbbi ar‑tskarm s‑ma‑t‑irḍan.