Popular Bible Verses from galaṭiyya 5

Share

imma lġllt n‑rruḥ tga lḥnant d‑lfrḥ d‑lhna d‑ṣṣbr, ar‑ntɛawan wiyyaḍ ar‑didsn‑ntfulki ar‑didsn‑ntbddad ar‑didsn‑ntrh̬u ar‑bdda‑nqqʷay ġ‑ih̬f‑nnġ. hati wan tiġawsiwin‑ad, ur‑illi kra n‑ššrɛ tnt‑yagʷin.

walaynni rad‑awn‑iniġ, skarat‑bdda s‑mad‑awn‑imala rruḥ lqudus bla‑da‑tswingimm ġ‑ma‑ittiri ih̬f‑nnun.

imma ġilad ġ‑nddr s‑tḥkimt n‑rruḥ lqudus, illa fllannġ a‑nskar s‑mad‑aġ‑imala rruḥ lqudus.

ašku kullu wanna igan win lmasiḥ yasuɛ, iga ih̬f‑ns d‑wad immutn f‑uggjdi baš a‑gis‑immt kullu ma‑ittiri bnadm i‑ih̬f‑ns ula kullu ma‑yʷh̬šnn.

han iskkirn n‑bnadm, nssn mamnk ad‑gan. ar‑tznun ar‑tfsadn ar‑tšthun i‑ngratsn, ar‑tɛbadn ilahat n‑ddunit‑ad ar‑skarn ssiḥr, ar‑tkrhun ar‑tẓin ar‑tnuwwašn ar‑tbzagn f‑ingratsn, ar‑ttirin ad‑agʷrn wiyyaḍ, ar‑tmmaġn d‑wanna ur‑zgisn‑igin, ar‑rggmn wanna ur‑didsn‑ibiddn, ar‑ttirin ad‑amẓn ma‑ur‑igin winsn, ar‑tnufuln s‑tissi ar‑tmunun f‑tillay‑nsn ʷh̬šnnin, kullu iskkirn‑ad d‑ma‑tn‑irwasn. rad‑awn‑iniġ s‑lmɛqul ġmklli‑awn‑nniġ ġayd izrin, ġwilli skarnin ġmkan ur‑rad‑kšmn s‑tgldit n‑rbbi.

way‑aytma, iġra‑yawn rbbi a‑trẓmm zġ‑iskraf. walaynni a‑ur‑ttinim «ntyawrẓam ġilad, nẓḍar a‑nskar aynna ira ih̬f‑nnġ.» ašku illa fllawn a‑ttḥnnum ar‑ttqasam i‑ngratun.

ašku ul n‑bnadm ar‑ittiri ma‑ur‑ittiri rruḥ lqudus, ula rruḥ lqudus ar‑ittiri ma‑ur‑ittiri‑uwl n‑bnadm. hatni ar‑gigun‑tmmaġn aylliġ ur‑a‑tskarm ma‑ttirim.

hati tmun‑d lmɛna n‑ššrɛ kullutt ġ‑yan‑wawal ar‑ittini: «a‑ttirit adjar‑nnk zund ih̬f‑nnk.»

a‑ur‑nssimġur ih̬f‑nnġ ula‑da‑ntẓi d‑yan ula‑da‑nttiri ma‑igan win wiyyaḍ.

irẓm‑aġ lmasiḥ baš a‑ur‑sul‑ng ismgan i‑yat. biddat ġilad tzgam a‑ur‑twrrim‑daġ s‑iskraf n‑tsmugit.