Popular Bible Verses from galaṭiyya 2

Share

ha‑yyi mmutġ d‑lmasiḥ f‑uggjdi‑ns. urd sul nkki a‑iddrn walaynni lmasiḥ a‑gigi‑iddrn. kullu mad‑skarġ ġilad, ar‑t‑skarġ f‑ssibt n‑mad‑umnġ s‑yus n‑rbbi lli‑gigi‑iḥnnan ifk tudrt‑ns flla.

ur‑rurġ lḥnant‑ad n‑rbbi zund iġ‑ur‑tgi yat. ašku mrad is‑nẓḍar a‑nrḍu rbbi s‑iskkirn n‑ššrɛ, bla lfaytt a‑ra‑tg lmut l‑lmasiḥ.

ha‑nkkʷni laṣl‑nnġ iga zġ‑ayt‑yudaya, urd zġ‑ayt‑tmizar yaḍni lli‑mi‑ttinin ‹ayt‑ddnub›. walaynni nssn taġawsa‑yad bahra. ra‑irḍu rbbi f‑winna umnnin s‑yasuɛ lmasiḥ, urd f‑willi skarnin s‑ma‑ityaran ġ‑ššrɛ n‑musa. mayad a‑s‑aġ‑d‑iqqan ula nkkʷni n‑ayt‑yudaya a‑namn s‑yasuɛ lmasiḥ. f‑ssibt l‑lmasiḥ a‑f‑fllannġ‑irḍa rbbi, urd f‑ssibt n‑kra nskar igan win ššrɛ. ašku ur‑iẓḍar yan a‑irḍu rbbi s‑iskkirn n‑ššrɛ.