Popular Bible Verses from 2 kurintus 9

Share

rbbi iẓḍar a‑kʷn‑ibark s‑tmih̬ar‑ns ggutnin baš ad‑awn‑yili kullu ma‑tḥtajjam, yili‑awn‑daġ ma‑s‑a‑ttɛawanm ġ‑kullu ma‑igan afulki.

illa f‑kud yan a‑iskr maylli iqṣad ġ‑ih̬f‑ns. a‑ur‑ifk s‑bzzez nġd f‑uwdm n‑wiyyaḍ. ašku iɛzza dar rbbi wanna yakkan s‑lfrḥ.

ašku wanna‑n‑iluḥn amud idrusn, idrus ma‑ra‑imgr. imma wanna‑n‑iluḥn amud iggutn, iggut ma‑ra‑imgr.

rbbi lli‑yakkan amud i‑walli ikkrzn ar‑as‑itzayad aġrum ma‑ištta, nttan a‑rad‑awn‑ifk amud izayd‑awn ma‑iggutn, iskr‑awn tamgra ifulkin zġ‑lḥnant‑nnun. rad‑awn‑issigat lh̬ir baš a‑bdda‑darun‑yili ma‑takkam i‑wiyyaḍ. ġmkan a‑f‑ra‑ti‑tškarn mddn ggutnin f‑mad‑asn‑ttaznm f‑ufus‑nnġ.

imma ġilad, a‑bahra‑nškr rbbi lli‑aġ‑d‑ifkan ma‑yugʷrn kullu iswingimn n‑bnadm.