Popular Bible Verses from 2 kurintus 5

Share

ašku wanna igan win lmasiḥ, iskr‑t rbbi zġ‑ljdid. laḥ zġ‑gis aqdim, iwrri ig win ljdid.

lmasiḥ lli‑ur‑jju‑iskirn kra n‑ddnb, irur‑t rbbi zund iġ‑iɛmmr s‑ddnub f‑ssibt‑nnġ, baš a‑nɛmmr nkkʷni s‑ufulki n‑rbbi f‑ssibt‑ns.

imma nkkʷni ar‑tt‑ntawi ġ‑maylli‑s‑numn, urd ġ‑maylli nẓrra.

rbbi a‑iqṣadn mayan lliġ iskr sslamt ġ‑gratnnġ dids f‑ssibt l‑lmasiḥ. iẓli‑aġ nkkʷni a‑nmala i‑mddn mamnk a‑ira a‑iskr sslamt ġ‑gras didsn. ašku rbbi iskr sslamt ġ‑gras d‑ddunit f‑uwdm l‑lmasiḥ, ur‑sul‑a‑itḥasab f‑mddn ddnub‑nsn. yazn‑aġ ad‑asn‑nsslkam lh̬bar f‑sslamt‑ad.

nkkʷni‑ad nga imazann l‑lmasiḥ. f‑imi‑nnġ a‑f‑a‑srun‑isawal rbbi. ar‑kʷn‑ntḍalab ġilad s‑ism l‑lmasiḥ a‑twrrim s‑rbbi baš ad‑awn‑tili sslamt ġ‑gratun dids.

immut ntta f‑ssibt n‑kullu mddn baš ad‑wrrin ġwilli ddrnin a‑ur‑sul‑skarn f‑ad‑rḍun ih̬f‑nsn walaynni ad‑rḍun ġwalli immutn inkr‑d zġ‑lmut f‑ssibt‑nsn. ur‑sul‑a‑ntmnad ġ‑yan ġmklli gis tmnadn mddn n‑ddunit‑ad. nkka‑ttin ar‑ntmnad ġ‑lmasiḥ ġmklli gis tmnadn ntni, walaynni ur‑sul‑a‑gis‑ntmnad ġmkan.

imma nkkʷni ar‑aġ‑tdḥay lḥnant l‑lmasiḥ, ašku numn is‑immut yan f‑ssibt n‑kullu mddn. mayan a‑f‑nssn is‑kullu‑dids‑mmutn.