Popular Bible Verses from 2 kurintus 13

Share

sigglat ġ‑ih̬f‑nnun a‑tẓrm is‑tzgam ġ‑uġaras l‑lmasiḥ. ẓrat mamnk a‑tgam. is‑ur‑tssinm mayad? illa yasuɛ lmasiḥ ġ‑ugʷns‑nnun, iġ‑nnit‑ur‑tjlim zġ‑uġaras.

ad‑awn‑tili lbaraka n‑siditnnġ yasuɛ lmasiḥ ula lḥnant n‑rbbi ula tamunt n‑rruḥ lqudus kullukn.

way‑aytma, awal‑inu iggʷran iga‑t: frḥat, ar‑tskarm f‑ufulki, ar‑tzzɛamm i‑ngratun, tgm yan ġ‑iswingimn‑nnun, ar‑tzraym ġ‑sslamt. ġmkad a‑s‑rad‑bdda‑didun‑yili rbbi l‑lḥnant d‑sslamt.