Popular Bible Verses from Romanos 5

Share

Mawũãmina Daizezebara izha dazhira kʉãgꞌata kꞌawuabibʉrʉta wadꞌi kꞌazhirua omiãta bꞌedꞌe Cristota beubisia dazhibari.

Mawũã jidaira dazhirãĩtara sewa ẽãta Daizezebara kʉãgꞌata izhidꞌeta dazhirã sodꞌe diasia Jawurebiata dazhirãã diadꞌaba.

Bari maʉ̃ba ẽã, awuarabʉrʉ dazhira sobiaidꞌe bꞌʉa zuburia nʉmʉnerã, kꞌawuaidꞌera zuburia nʉmʉne zrogꞌa kꞌawaya. Mawũã zrogꞌa nʉmʉrã Daizezema bia nʉmʉã. Mawũã zrogꞌa nʉmʉrã Daizeze kĩrãwãrẽãnebemata jidaya.

Ĩjã bꞌedꞌeba bedꞌea ne ẽã duanukꞌãrĩba dazhirã Daizeze bawara bedꞌea ne ẽã bꞌea dazhirã Nokꞌo Jesucristodꞌeba. Jesucristodꞌebemata ĩjã bꞌedꞌebemanerã dazhirã Daizezebara izhi biaba nʉmʉkꞌãrĩã, dazhirã maʉ̃ne jipa nʉmeã. Aramaʉ̃ne sobia krĩcha bꞌea Daizeze kĩrãwãrẽãnebemata jidadꞌaita.

Dazhira ẽdrʉidꞌe bꞌʉ ẽãne ewarita arababʉrʉdꞌera Cristora beusia dazhi bia ẽãta bꞌebari.

Mawũẽ Cristo wadꞌeba bedꞌea ne ẽã duanukꞌãrĩba ẽdrʉdꞌaya Daizezeba zhãrãta kĩrũ pua kꞌawua oidꞌebara.

Adánba Daizeze bedꞌeata aribꞌae ẽbadꞌaba zhãrã jõma kꞌazhirua omiãta nʉmʉsia. Aramaʉ̃ kĩrãkꞌa Jesúsba Daizeze bedꞌeata aribꞌaedꞌaba zhãrã bio bedꞌea ne ẽã bꞌʉya.

Bari maʉ̃ba ẽã, awuarabʉrʉ Daizeze bawara sobia bꞌea dazhirã Nokꞌo Jesucristodꞌeba. Izhikꞌareuba idꞌira Daizeze bawara zhibiata bꞌea.