Popular Bible Verses from Rɔm 8

Share

Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl.

Mba m-gərə gə maj-ɛ to gə yo ang nəm, təbə ang nəm, anjije ang nəm, njeko̰ dɔ loje ang nəm, ndɔ gə ɓogəne ang nəm, ndɔ gə bara ang nəm, singamongəje ang nəm, nekundaje gə dara ang nəm, nekundaje gə nangə nee ang nəm, nekunda gə ɗa-ɗa kara a kɔr sijee mə njigi gə Luba njigi sijee ɗəw gə lə Mbayɓe lə-sijee Kirisi Jeju le ang.

Ngaɓa to gə be ja tɔ ɓa Njil ɗe la ne gə si dɔ mbɔr-ɛ gə lə-sijee, mba j-a gərə dəji Luba gə go ɗəb-e ang. Ngaa Njil gə darɔ-ɛ ja dəji Luba mba-si gə tar gə dəw asə pa ang

Tar ɗi ɓa j-a pa dɔ-ɛ gə cibi wa? To gə ɓo Luba ila gəl-sijee gə ɗaa na cibi ɓa a kasə kal dɔ sijee wa?

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

Nja gə go ɓo neje gə darɔ gə to yo, nja gə go ɓo neje lə Njil le to gə təbə, gə ɗɛgɛgɛ.

Ngaa dan neje gə nee tɔ̰y le, sijee j-a to njecɛdə ɗɔje gə to ɓəəl ɗəw gə lə nje njigi-si.

M-o to gə ko ꞌməsərə lə-si gə ɓogəne le, a kasə naa gə rɔnduba gə d-a kila gə ɗaga kar-sijee gə dɔ ndɔ gə bara gə ang.

Na ja a kɔrə sijee mə njigi gə lə Kirisi wa? ꞌMəsərə, ose kar gə gəd gədə, ose nekəmandoo, ose ɓo, ose kaw kudu dum, ose ne gə a ce yo, ose kiya bayi wa?

ngaɓa ꞌne gə nje njenga̰ mə dəwje le n-gərə ne gə Njil njigi dəji, mba Njil le ɗaa dəji Luba mba njerɔsangəje gə go ɗəb-e gə Luba njigi.

mba dəwje tɔ̰y gə Njil lə Luba ɔr no-je le ꞌto ngan lə Luba.

Mba, nje gə d-aw kəm baa gəl darɔ gə le, ꞌnja gə go neje lə darɔ, ngaa nje gə Njil o̰ dɔ-je ɗaa ꞌnja go neje gə ɗəw Njil gə tɔ.

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

Njil nee le ja pa mə kəji gə lə-si ar-si to gə j-a to ngan lə Luba. Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

Mba ɓo ne lə darɔ le to njeba̰a̰ lə Luba mba darɔ ila kuji dɔ torondu gə lə Luba ang, ɓa kasə ja kara n-asə ang.

Mba nekundaje ꞌngina kəgəgə kar Luba kila ngan-ɛ gə ɗaga.

Mba j-a gərə to gə saar ɓisine, dɔ nangə nee tɔ̰y ja suum ngaɓa o ꞌməsərə to to gə jene gə ndo to-e be.