Popular Bible Verses from Rɔm 6

Share

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

Neɗa gə kṵra̰y a dum dɔ-si ang, mba isije gəl torondu gə ang, ngaa gəl mənuji gə.

ꞌDubu-si sə-a naa gə kara baa ɗəw batɛm gə, mba kar to gə Kirisi uy ɓa ndol ne horo nje gə d-uy gə ɗəw rɔnduba gə lə Bɔ dəwje le, ɗəw kara baa kar-sijee kara j-a nja ne ɗəw kisi kəm baa gə sigi tɔ.

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

j-a gərə-je to gə pa nja lə-si gə ləw le ꞌɓər-e sə-a kagə dəsə gə, mba kar darɔ gə neɗa gə kṵra̰y kəne nee le tuji ne ngaɓa mba kar j-a to ne ɓərəje lə neɗa gə kṵra̰y ang ngaa

Be ɓa, sisəy ja kara, may kar oje rɔ-si to gə uyje ɗəw neɗa gə kṵra̰y gə, ɗaa isije kəm baa ɔji dɔ Luba ɗəw gə lə Kirisi Jeju.

Ja pa na ɗi ja wa? Se j-a nay dan neɗa gə kṵra̰y gə mba kar mənuji ɔsə ne kudu naa wa? Jagə ang! Sijee gə j-uy ɗəw neɗa gə kṵra̰y gə nam le, j-a təl kisi kəm baa dan neɗa gə kṵra̰y gə to gə ban wa?

ꞌGərəje ang wa? Logə unje rɔ-si ilaje mə ji dəw gə gə ɓərə lə-a mba kila ne kɔji dɔ-ɛ gə nama, ꞌtoje ɓərəje lə dəw gə ilaje kuji dɔ-ɛ gə nee le, gə kar neɗa gə kṵra̰y gə ce yo, ose kila kuji gə ce neɗa gə gadə-gadə gə.

Ngaa, oyo ar Luba, kede le ꞌtoje ɓərəje lə neɗa gə kṵra̰y ja ngaa ilaje kuji gə dɔ ɓəngərə-si ja tɔ̰y ngaɓa ꞌnjaje ne gə go ji ne gə ꞌtɔji-si le ja tɔ. D-ɔr sisəy ji neɗa gə kṵra̰y gə le ɗaa, ꞌtəl ꞌtoje ɓərəje lə neɗa gə gadə-gadə ngaa.