Popular Bible Verses from Rɔm 1

Share

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Ɗəw lə Tar gə May nee le ɓa gadə-gadə lə Luba kila ne rɔ-ɛ gə ɗaga gə ɗəw takagə ngaɓa ɗəw takagə ja kara baa, to to gə ꞌɗa mə mbede gə na: Dəw gə gadə-gadə a kaw kəm baa ɗəw gə lə takagə.

Mba neje gə ɔji dɔ Luba gə kəm dəw o ang, singamongə lə-a gə to saar gə no ngaɓa lo kunda rɔ lə-a le, un kud-e lo kunda dara gə nangə gə ja, n-tɔji gə ɗaga ɗang-ɗang kəm dəwje gə, gə go neɗa-ɛje, ɗaa ɗəw gə tar a kuwa ne dɔ-je ang godo.

Mba ꞌgərə Luba ja, ngaa d-ula rɔnduba dɔ-ɛ ang nəm, d-ula rɔnduba ose d-ar-ɛ oyo gə Luba ang nəm, ngaa ꞌto neje gə baa ja go kəji kɔr kəm ne lə-je ngaɓa mə-je gə lal negərə le, ar-je d-uru ne dan cil ciməri gə.

ꞌjejee gə d-uwa tar gə ɗəgərə ꞌtaje ne toro tar gə tɔgərɔ lə Luba, ngaɓa neje gə Luba unda-je ɓa ꞌpolo-je ngaɓa ꞌɗa kula d-ar-je ɗaa d-ḭya̰ Njekunda-je gə ndu tɔr to k-ɛ gə ɓal-ɓal! Oyo!

Mba wungu lə Luba kila rɔ-ɛ mə dara gə uru dɔ nje ꞌɓəəl Luba ang gə ɗa-ɗa ngaɓa dɔ neɗa gə dɔ buguru gə ɗa-ɗa lə dəwje gə ꞌlom dɔ tar gə tɔgərɔ dɔ buguru baa

Gəl-e gə nee ɓa Luba ḭya̰-je ne ar ɓo neje gə to rɔ kul uwa-je ne ɓərə gə. Mba jeneje lə-je d-uba ji neje gə gə dɔ gɔl-ɛ d-ḭya̰ ɗaa, ꞌturu ꞌto gə naa to gə jingaw to ne gə jene be, jingawje kara ɗa ɗəw kara baa to gə bənəng, d-uba ji neje gə gə dɔ gɔl-ɛ kar jingaw to gə jene d-ḭya̰ ɗaa ɓo to gə jingaw mar-jeje ɓa oso ur-je, gə yo gə nee, ar ꞌɗa ne nekɔbə ne, dəw gə jingaw ja to gə jingaw mar-ɛ, ɗaa d-inga kuga-a gə ɔji dɔ-je ja gə ne gə ꞌɗa d-uru ne mu le. Be ɓa, mba d-o-je to gə gərə Luba ang ɓa gə ne gə may le ɗaa, Luba ḭya̰-je dan tar kəji lə-je gə gə mbɔr-ɛ baa nee le, ar-je ꞌɗa ne neje gə kəm ɗa ang

ꞌƊa rɔ-je gə njekəm karəje ngaa ꞌtəl mbəje, ngaɓa d-uwa ndaji neje gə tɔji dəw gə a kuy, ꞌtaje ne toro rɔnduba lə Luba gə njekuy ang, əlje, daje gə gɔl-je sɔɔ sɔɔ ngaɓa daje gə d-agə nangə.