Popular Bible Verses from Lo kila gəl ne 19

Share

J-a ɗaje rɔləl, j-a talje ꞌmajagəra ɓo j-ulaje rɔnduba dɔ-ɛ gə, mba ndɔ ta naa lə ngon badəm le asə ngaa ɗaa jene lə-a kara uwa dɔ gɔl rɔ-ɛ kər-kər tɔ.

ꞌƊa ri kara kubu gə lə-a ngaɓa dɔ bingi-e gə na: Mbay lə mbayje ngaɓa Mbayɓe lə mbayɓeje.

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Kəm-e to to gə pər gə o̰ lam-lam be. Jɔgə mbay bula to dɔ-ɛ gə, ngaɓa ꞌɗa ri kara rɔ-ɛ gə, gə dəw kara kara gərə ang, ɗaa ꞌne ja baa. D-ula-a kubu gə uwa məsə ndor-ndor, ɗaa ri-a na Tar lə Luba.

Kiya bayi gə t-ɛ adə pəm-pəm ce t-ɛ gə, ye ɓa n-a tuji ne gəl kujije. N-a kul-je gə kagə ngaw lar, n-a kunda dura kodo wungu gə to ɓəl ya̰ lə Luba gə njesingamongə, gə gɔl-ɛ kila.

D-uwa da kɔr le naa gə kara baa gə pajambərə gə gə mbɔr-ɛ baa, gə nje ɗa netɔjije lə-a no gɔl-ɛ gə, kərə ne dəwje ar d-ɔsə ndaji da kɔr rɔ-je gə ngaɓa ar d-um məkəji-je no ndaji-ɛ gə le tɔ. Joo kɛm ja d-umje kəm baa dan pər gə dan sori gə ta yɛg-yɛg.