Popular Bible Verses from Nje gə Pilipi 2

Share

ɗa-je ne kara kara gə go nər mə ang ose mba riɓar gə baa ang, ngaa gə kula dɔ ngulum, oje nje gə kɛm gə dəwje gə ꞌto ɓəəl unda-si. May kar dəw gə ɗa-ɗa gə horo-si gə nama sangə ɗəw may lə-a ye ja gə kar-ɛ baa ang ngaa sangə may lə nje gə kɛm tɔ.

Ar-je kəji gə to mə Kirisi Jeju gə ɓa uwa mə-si

ꞌne gə n-asə naa gə Luba, n-njigi mba kisi lo kasə naa gə lə-a gə Luba ang, ngaa n-uba n-ḭya̰ gə dɔ rɔ-ɛ ja, n-turu rɔ-ɛ gə ɓərə, n-təl n-asə naa gə dəwje, go təl gə n-təl n-unda rɔ dəw nee ɗaa, n-ula dɔ-ɛ ngulum gə darɔ-ɛ ja, n-oso ne kul saar n-uy ne, n-uy kagə dəsə gə.

mba Luba ja ɓa ɗa kula mə-si mba kar ꞌɗaje ne ne gə m-e njigi gə maj-ɛ.

Gəl-e gə nee ɓa, Luba gə to dəw dɔ rɔ-ɛ le, ula riɓar gə al dɔ lo dɔ-ɛ gə, ngaɓa ar-ɛ ri gə tɔy rije tɔ̰y, mba kar nje gə ɗa-ɗa, mə dara gə, dɔ nangə nee gə gəl nangə ɓa ɓo ri Jeju oso mbi-je gə nama d-um məkəji, ngaɓa ndo̰ tar gə ɗa-ɗa kara a pa gə taar ɓolong to gə Jeju Kirisi to Mbayɓe, mba kila ne riɓar dɔ Luba gə Bɔ gə.

ꞌƊaje ne tɔ̰y gə yṵrṵ tar ang nəm, gə ma̰y tar ang nəm, mba kar d-ila tar dɔ-si gə ang, ngaɓa ar-je ngadə, gə nganje lə Luba gə tar uwa dɔ-je ang, horo gəl kuji gə to dana ang gə, ngaɓa ndṵrḭ nəm; horo-je gə le, ꞌndogoje to to gə pər ngəl be dɔ nangə nee

Be ɓa sisəy gə m-njigi-si ya̰, gə go kila kuji lə-si taar-taar le, ꞌɗaje kula kaji gə ingaje le gə ɓəəl gə kisa, to gə m-ga̰ ne gə si baa ang ngaa ɓisine gə m-godo kara ꞌɗaje ar al dɔ lo ja