Popular Bible Verses from 2 Nje gə Kɔrɛnt 5

Share

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

ja nja gə ɗəw gə lə takagə, ɓo j-a nja gə ɗəw ne gə kəm o ang.

Neje gə nee le ḭ rɔ Luba gə, ꞌne gə n-um naa gə gə sijee ɗəw gə lə Kirisi, ngaɓa n-ar-sijee kula kum dəwje naa gə. Mba Luba um naa gə gə dəwje tɔ̰y ɗəw gə lə Kirisi, n-a tura ne go kal tar lə-je ang, ɗaa n-um tar kum naa gə ta-sijee gə.

Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

n-uy mba dəwje tɔ̰y, mba kar nje gə d-isi kəm baa le, d-isi kəm baa ɔji dɔ ꞌjeje ja ang saar, ngaa d-isi kəm baa mba ɔji dɔ dəw gə uy ɓa ndol mba tar lə-je. Uma kud-e ɓogəne gə kede əng le, j-a gərə dəw gə ɗəw darɔ gə ang ngaa, to gə ɓo kede ja gərə Kirisi gə ɗəw gə darɔ nama, ɓisine j-a gərə to gə bənəng ang ngaa.

Mba njigi lə Kirisi o̰ dɔ sijee, sijee ja gərə to gə dəw kara baa uy mba dəwje tɔ̰y ɗaa, dəwje tɔ̰y d-uy sə-a ɗəw kara baa