Popular Bible Verses from 1 Timoce 6

Share

ꞌƊɔ ɗɔ gə may kar takagə, uwa təbə gə gə ndɔ gə ndɔ gə Luba ɓar-i kəne, ye gə ꞌpa tar-ɛ no njetar najije gə bula.

Gəl-e gə nee ɓa, ngira ne gə kṵra̰y tɔ̰y to njigi lar, dəwje bula gə d-un rɔ-je d-ila kəne le, ꞌtusu takagə lə-je d-ḭya̰ ngaɓa d-oso dan tuji gə badagə tɔ.

Tɔgərɔ ja, kila kuji dɔ Luba gə to ngira nekuga dɔ ji ja to gə j-ɛm mə-si dɔ ne gə to ji-a gə.

Ngaa ɓo, j-a ɗe dɔ nangə nee gə ji-si baa, a ɓo kar-ɛ asə nama j-a təl bənəng ja tɔ.

ꞌNdəji bawje gə dɔ ndɔ gə ɓogəne mba kar d-unda kar-je ang, ngaɓa mba kar d-unda mə-je to dɔ nekinga gə a nday gə ang, ngaa d-unda mə-je dɔ Luba gə. ꞌNe gə to nje kar-si ne gə j-aw ndoo-e gə kobəre mba kar j-a ɗa ne rɔləl.

Ngaa, dəwje gə nekinga asə-je ang le d-oso dan kərə gə, dan bandə gə ɓo neje dang-dang gə ɔsə dəwje um-je lo tuji gə.

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə. Be ɓa, d-a mbo̰ ne nekinga gə lo gə may gə bara mba kinga ne təbə gə tɔgərɔ.