Popular Bible Verses from 1 Piyɛr 4

Share

Ne gə may ya̰ ja, njigije naa gə yo gə nee jaga-jaga, mba njigi on dɔ neɗaje gə kṵra̰y bula.

Mba na-na kara Luba ar-ɛ gusu ɗəw mənuji gə, ɗaa gusu gə Luba ar-si le, ꞌɗaje ne ne ar-je gə nje gə kɛm tɔ. Be ɓa a toje njengom ne mənujije ɓədə-ɓədə gə Luba ar-si.

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.

ɓo n-o ꞌməsərə mba to gə n-to njetakagə Kirisi nama n-ar rɔ kul-e uwa ang ngaa n-ula rɔnduba dɔ Luba gə mba ri gə d-unda dɔ-ɛ gə le.

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

Ngan ko̰-m gə m-njigi-si ya̰, nena gə inga si to gə yɛl pər gə ubaje nangə be le, oje gə ne sigi ang. Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.

ꞌƊaje naa mba lal yɛngə ne tar.

Be ɓa, nje gə d-o ꞌməsərə gə go mə njigi lə Luba nama may kar d-ila kəm lə-je mə ji-a ꞌne gə Njekunda-je gə gadə-gadə, ꞌɗa ne may dɔ-je gə kede.

Be ɓa, mba Kirisi o ꞌməsərə ɗəw darɔ gə, ɗaa sisəy kara a gɔlje kəji lə-si mba ko ꞌməsərə to gə ꞌne be tɔ; mba dəw gə o ꞌməsərə darɔ-ɛ gə le, cḭ gə neɗa gə kṵra̰y, mba kar ɓo neje gə darɔ gə d-ɔ̰ dɔ-ɛ ang ngaa, ngaa kar ndɔ kisi kəm baa lə-a nay ɓi nama mə njigi lə Luba ɓa n-ɗa.

To gə ɓo ꞌtaji-si mba ri Kirisi nama, ꞌtoje njenokarəje, mba Njil rɔnduba gə to Njil lə Luba nay gə si.