Popular Bible Verses from Romayguakuérape 5

Share

Ñanderuete katu ohechaukáma imborayhu ñandéve, Hesu Crísto omanóvo ñanderehehápe, ñande jaiko ramojepe angaipa (Aña) poguýpe.

ha pe esperánza Ñanderuete rehe nombotavymo’ãi avavépe, Ñanderuete mborayhu omyhenyhẽgui ñande py’apy imborayhúgui, ha opaite ko’ã mba’e oñeme’ẽ ñandéve Pytu Porãmbáva rupi.

Ha ndaupévai año, javy’a katu jahasa asy ramojepe, jaikuaa porãgui pe jehasa asy hi’aha paciéncia, ha pe paciéncia ñanemokyre’ỹ jagueropu’akapa hag̃ua, ha jagueropu’akapa rire pe jepy’ara’ã, okakuaave ohóvo ñane esperánza

Ko’ág̃a ñande jajerereko heko potĩva ramo jajeroviágui Hesu Crísto rehe, ha ñande py’aguapýma Ñanderuete ndive Ñandejára Hesu Crísto rupi. Hesu Crísto rupi ñande jahupitýma Ñanderuete poriahuvereko jopói, jajeroviágui hese, ha ñaime hatã ipype, ha javy’a jahupitytaha rehe avei Ñanderuete reko jajaipa.

Hesu Crísto ningo omanóma ñane angaipavorakuéra rehehápe hi’araitépe, Ñanderuete oiporavo haguéicha.

Ha ko’ág̃a jajeguerekóma heko potĩva ramo Hesu Crísto ruguy rupi, Hesu Crísto ñandesalva Ñanderuete jehavirágui, péva he’ise ñembojovakeha áragui (juício árape).

Peteĩ kuimba’e iñe’ẽrendu’ỹva’ekue rupi opavave oñemboheko vaíma, ha ambue kuimba’e iñe’ẽrenduva’ekue rupi opavave oñemboheko potĩ jevyva’erã ojeroviáma guive.

Ndaupévai año, jarovy’aite avei Ñanderuetépe, Ñandejára Hesu Crísto rupi. Hesu Crísto rupínte jaiko porã jevýma avei ñande apohare, Ñanderuete ndive.