Popular Bible Verses from Romayguakuérape 12

Share

Ha anítei pende reko ojogua kuimba’e térã kuña ko’ag̃agua rekópe, upéva rãngue peheja pende reko oñemoambue hag̃ua ohóvo (Pytu Porãmbáva rupi) pende py’apy rembipotapype, peikuaa hag̃ua Ñanderuete rembipota iporãha, hekópe ha oporombohorýva.

Upévare che hermanokuéra, che ajerure asy peẽme, Ñanderuete poriahuvereko rehe, peme’ẽmba pende rekove Ñanderuetépe g̃uarã peteĩ kuave’ẽmby oikovévaicha, ipotĩva ha ombohorýva ichupe, kóva ningo pe cúlto añeteguáva ñame’ẽkuaáva Ñanderuetépe.

Peha’ãrõ vy’apópe ani penekangy ou ramo pe jepy’ara’ã, peropu’akakuaákena, peñembo’epeína uvei.

Ani reheja pe ivaíva ipu’aka nderehe, upéva rãngue ndepu’aka pe ivaíva rehe mba’eporã rupi.

Pejohayhu oñohermánoicha, pejo’apo mba’e ramo, péva he’ise emomba’eve ne hermánope ndejehegui voi.

Pejohayhu tova mokõi’ỹre. Pejeguaru mba’evaígui, pejapo uvei mba’eporã ha heko peguáva.

Peñeha’ãmbáke, ijáva guive peẽme, peiko hag̃ua py’aguapýpe opavave ndive.

Che hermanokuéra pohayhúva, ani peñevenga peẽ voi pende rapicha rehe, pemoĩmba katu Ñanderuete pópe. Ojehai voi Ñanderuete kuatiañe’ẽme: Che avengáta ha amyengoviáta opavave rembiapo vaikue, (Deuteronómio 32,35).

Ani peneate’ỹ pene rembiapópe, peñemokyre’ỹ katu pende pytu porãme, ha pejapopa Hesu Crísto he’íva guive peẽme.

Che poavisase pe poriahuvereko rupi Ñanderuete ome’ẽmava’ekue chéve, ani hag̃ua avave oñembotuicha hekope’ỹ, tohechakuaa uvei pe poriahuvereko me’ẽmby Ñanderuete ome’ẽ háicha oimeraẽvape ijerovia rupi.

Ani pemyengovia avavépe ivaíva ivaívare, peñeha’ãmba katu pejapo hag̃ua mba’e iporãva opavavépe g̃uarã.

Peiko peteĩ py’ápe oñondive; ani peñembotuicha, peñemomirĩ uvei; ani pejeguereko iñarandúva ramo.

Upe nderehe ija’e’ỹva iñembyahýi ramo, emongaru ichupe, ha ijy’uhéi ramo, emboy’u ichupe, péicha rejapórõ remboja tatapỹi hendýva nde rapicha akã ári (otĩ hag̃ua).

Pehovasa umi ndaija’éiva penderehe, pehovasa ha ani pemaldeci. Pevy’a umi ovy’áva ndive, ha pejahe’o umi ojahe’óva ndive.

Peipytyvõ hermanokuérape hemikotevẽme, peporombohupa porãkena.

Peikuaa porã voi, ñande rete rehegua heta ramojepe, omba’apo porã hikuái oñondive oimera’ẽva katu hembiapoteépe. Péicha avei ñande jajeroviáva Hesu Crísto rehe, ojejapo ñandehegui Ñandejára Hesu Crísto rete ramo ha peteĩteĩme oñeme’ẽ hembiapotee Ñanderuete ome’ẽ haguéicha ichupe.