Popular Bible Verses from Romayguakuérape 10

Share

Nde remombe’u ramo nde juru rupi Hesu Crísto nde Jaraha, ha nde rejerovia ramo nde py’aite guive Hesu Crísto rehe, ha Ñanderuete omoingove jevy hague ichupe omanova’ekue apytégui, upéicharamo rejesalváta.

Ñande jajerovia ramo ñande py’aite guive Ñanderuete rehe Ha’e ñanemboheko potĩma, ha ñande juru rupi ñamombe’u ramo Hesu Crístope, Ha’e ñandesalvataha.

Pe jerovia onace pe evangéliogui, ha pe evangélio ou Hesu Crísto ñe’ẽgui, (Isaías 53).

Ñanderuete kuatiañe’ẽ he’i voi: Upe ojeroviáva Hesu Crístore noñehundimo’ãi, (Isaías 28,16). Judayguakuéra ha tetã ambueyguakuéra apytépe noñembojuavýi, oĩ peteĩete Jára ipy’a porãva opavavépe g̃uarã, ojeroviáva guive Hesu Crístore. Opavave ojeroviáva guive Hesu Crístore, Ijára ramo, ojesalváta katuete.

Ha mba’éicha piko ikatúta ojekuaauka Hesu Crístope ichupekuéra, noñemondói ramo avavépe hendapekuéra. Ojehaíma Ñanderuete kuatiañe’ẽme: Iporãite ningo umi py omyasãiva mba’e iporãva, (Isaías 52,7).

Mba’éicha piko ohenóita ichupe, ndoikuaái ramo ichupe, ha mba’éicha piko ojeroviáta hese nohendúi ramo Ha’e oikoha; ha mba’éicha piko iñe’ẽrendúta, avave nomombe’úi ramo ichupekuéra Hesu Crísto oikoha.

Moises rembiapoukapykuéra ñandeguerahasénte Hesu Crísto rendápe, Moises rembiapoukapykuéra oñeme’ẽnte Hesu Crísto ou peve, (ko yvy apére opavave ojerovia hag̃ua Hesu Crísto rehe).