Popular Bible Verses from Márcos 9

Share

Hesu ombohovái ichupe: Ikatu, rejerovia ramo, opaite mba’e ikatu upe ojeroviávape.

Upevovete pe mitã ru osapukái: Che arovia, chepytyvõna che ajeroviave hag̃ua.

Ha Hesu oikévo peteĩ ógape, hemimbo’ekuéra oporandu ichupe ha’eñoháme: Mba’érehe piko ore ndaikatúi romosẽkuri mba’epochýpe pe mitãkuimba’égui. Ha Hesu he’i: Koichagua mba’epochy ikatu oñemosẽ ñembo’e ha ajúno rupímante voi.

Iporã ningo pe juky, ág̃a pe juky oñembyaírõ (nahe’ẽvéirõ), mba’épepa oñemohe’ẽ jevýne. Pendejuky pendepype voi, ha peiko porãke oñondive.

Oimeraẽ omog̃uahẽva koichagua mitãme che rérape, chéve chemog̃uahẽ ha pe chéve chemog̃uahẽva, nachemog̃uahẽi chéve año, pe chembouva’ekuépe avei.

Upe penemboy’úva che rérape jepe, peẽ Ñanderuete ra’yháre, añetehápe ha’e peẽme, ndopytamo’ãiha oñemyengovia’ỹre ichupe.

Ha máva omoñepysãngáva peteĩ ko’ã michĩmívape cherehe ojeroviávape, iporãveva’erã omosãingo ramo ijajúra rehe ita tuicha ha ojeity ichupe yguasúpe.

Ha nde resa nemoñepysangárõ, enohẽ, iporãve ndéve reike Ñanderuete retãguasúpe peteĩ nde resa rehevénte, ani hag̃ua nde resa mokõi reheve reho aña retãme