Popular Bible Verses from Márcos 6

Share

Ha Ha’e he’i ichupekuéra: Peju pepytu’umi desiértope, ndaijáigui ichupekuéra okarumi hag̃ua jepe, hetaitereígui umi ou ha ohóva hendápe.

Ha Hesu he’i ichupekuéra: Opaichagua proféta ndojejapói mba’eve ramo ivállepe ni hogayguakuéra apytépe.

Ha Hesu oguejývo pe bárcogui ojohúma hetãygua aty ndetuicháva ha Hesu oiporiahuvereko ichupekuéra, oikoháre hikuái ovecha herekua’ỹvaicha, ha oñepyrũ ombo’e ichupekuéra heta mba’e rehe.

Ha mba’eve ndaikatúi ojapo upépe, omongueránte mbovymi hasývape, omoĩvo ipo hi’arikuéra. Ha Hesu ohechávo ha’ekuéra ndojeroviaseiha hese, oho oguata umi tava’i rupi oporombo’e hag̃ua.

Ha Hesu ojapyhy umi 5 pan ha mokõi pira, omopu’ã hesa yvágare ha oñembo’e, upéi oipehe’ã umi pan ha ome’ẽ hemimbo’ekuérape ombohasa hag̃ua umi atýrape, uperire omboja’o avei umi pira ombohasa hag̃ua avei ichupekuéra. Okarupa hikuái ha hyg̃uatã porãmba. Ha hemby jevy 12 ajaka pe tembi’u ome’ẽva’ekuégui.