Popular Bible Verses from Márcos 4

Share

Ha Hesu opáyvo oja’o yvytúpe ha he’i pe yguasu pochýpe: Epyta, ekirirĩ. Ha opi pe yvytu, ha iporãmba jevy pe ára. Ha Hesu he’i ichupekuéra: Mba’érehe piko pekyhyjete, ndapejeroviái piko.

Ha tuichaite kyhyjepópe he’i joa ojupe: Máva piko kóva, ko yvytu ha yguasu jepe ohendu iñe’ẽ.

Ha Hesu okehína pe bárco ruguaitépe, peteĩ akãngyta ári, upémaramo hemimbo’ekuéra omombáy Hesúpe ha he’i: Mbo’ehára nerepenamo’ãi piko ja’yguýma jahávo.

Ha he’i ichupekuéra, pejapysaka porãke pehendúvare: Pe medída peẽ peiporúva pende rapicha rehe ojeporu jevyva’erã penderehe ha hi’ári oñembojo’aveva’erã peẽme.

Ha he’i ichupekuéra: Ñanderuete retãguasu ningo ojogua kuimba’e oitývape ikóga ra’ỹi ikokue potĩmbyrépe, ha oke ha opáy jave ohasa pyhare ha ára, ha pe kóga ra’ỹi heñói ha okakuaa ha’e oikuaa’ỹre mba’éichapa.

Oimérõ ijapysáva ohendu hag̃ua, tohendu ko’ã mba’e.