Popular Bible Verses from Márcos 11

Share

Upévare ha’e peẽme: Opaite pejeruréva pene ñembo’épe, peguerovia ramo pehupitytaha katuete, pehupityva’erã.

Añetéko ha’e peẽme, oimérõ he’íva ko cérrope: Epu’ã ha ejeity yguasúpe, ha ndaipy’a mokõiri, oguerovia ramo uvei oikotaha pe he’íva, upéva katuete oikóta ichupe g̃uarã.

Ha peñembo’érõ, peperdona pende rapicha oja’yvereva’ekuépe penendive, pende Ruete peneperdona hag̃ua avei.

Ha Hesu ombohovái ha he’i ichupekuéra: Pejerovia Ñanderuetére.

Ha ombo’évo avei ichupekuéra he’i: Ndojehaíri piko Ñanderuete kuatiañe’ẽme: Che róga ningo ñembo’e róga opaite tetãnguérape g̃uarã, (Isaías 56,7). Peẽ katu pejapo ichugui mondaha kuára.

Ha umi tenonde ohóva ha umi oúva hapykuéri osapukái joa: Ñanderuete, orepytyvõna, taherakuãguasu ko oúva Ñanderuete rérape.

Taherakuãngatu ñande ru David retã ruvicha reko oúva. Hosánna yvateve (hosánna he’ise: Ñanderuete oipytyvõ).