Popular Bible Verses from Matéo 27

Share

Pe hóra 3-ha rupi Hesu osapukái hatã, ha he’i: Eli, Eli lama sabactáni. Péva he’ise: Che Jára, che Jára mba’érehepa repoi chehegui.

Upévo Ñanderuete rogaguasu aosãingo osoro mbyte rupi, yvate guive yvy peve; ha pe yvy oryrýi, ha umi itaguasu ojeka; ha umi tyvy (sepultúra) ojepe’a, ha heta tapicha heko potĩva retekue okemava’ekue opu’ã jevy

Hesu katu osapukái hatã jevývo, ome’ẽ ipytu porã ha omano.

Ha pe soldádo ruvicha ha umi soldádo oñangarekóva Hesu rehe, ohechávo pe yvy ryrýi ha umi ambue mba’e ojehúva, okyhyjeiterei hikuái ha he’i: Añetehápe kóva ningo Ñanderuete Ra’y.

Ha asajete guive (las 12 hóra) ka’aru mbyte peve (las 3) iñypytũmba yvy ape ári.

Ha Piláto he’i ichupekuéra: Ha mba’e piko ajapóta Hesúgui, hérava Crísto. Ha osapukái joa hikuái he’ívo: Emosãingo ichupe kurusu rehe. Ha Piláto oporandu: Mba’eichagua tembiapo vai piko ojapo. Ha’ekuéra katu osapukái hatãve: Toñemosãingo ichupe kurusu rehe.