Popular Bible Verses from Matéo 23

Share

Upe mba’eguasuvéva pende apytépe oikova’erã ku tembiguáicha.

Upe oñembotuicháva ojupe oñemomirĩva’erã; ha upe oñemomirĩva, katuete oñembotuichava’erã.

Angái, peẽ kuatia haihára ha peẽ fariseokuéra rova mokõi. Peme’ẽva pe diézmo ménta, enéldo ha comínogui (ombohe hag̃ua pe tembi’u) ha napemomba’éi pe tembiapoukapy imba’eguasuvéva, ni pe justícia, ni poriahuvereko, ni jerovia; ko’ã mba’e ningo pejapova’erãmo’ã peheja’ỹre umíva.

Angái, peẽ kuatia haihára ha fariseokuéra rova mokõi pemopotĩ porãva ijapéguio pende váso ha pene mba’yru, ha pende ryepy gotýo katu penerenyhẽ monda ha teko ñañágui.

Jerusalen, Jerusalen, rejukáva nde profetakuérape, ha rejukáva itápe umi oñemboúva ne rendápe. Hetaite jevy ningo ambyatysékuri nde ra’ykuérape ku ryguasu kuru ombyaty háicha imembykuéra ipepo guýpe, peẽ katu ndapeipotái.

Péicha avei peẽ, okáguio peẽ peiko heko potĩvaicha ha pende ryepýpe katu penerenyhẽ tova mokõi ha teko ñañágui.