Popular Bible Verses from Levítico 26

Share

Ha Che aikóta pende apytépe pende Jára ramo, ha peẽ che retãyguakuéra ramo.

Che amboúta peẽme ama hi’árape, pe yvy hi’a porã hag̃ua, ha umi yvyra ñu megua ome’ẽ hag̃ua avei peẽme hi’akuéra.

Peiko ramo che ñe’ẽ he’i háicha, ha pejapo ramo hekoitépe che rembiapoukapykuéra

Ha Che ame’ẽta pytu’u pene retãme, ha peikóta py’aguapýpe ha ndaiporimo’ãi avave penemondýiva; ha aguenohẽukapáta pende yvýgui mymba iñarõva, ha kyse puku ndohasamo’ãi pene retãpy rupi.

Che poipytyvõta, pombotuicháta, pombohetáta ha che ñe’ẽme’ẽ amoañetéta penendive.

Che Jahve, pende Jára, poguenohẽva’ekue Egípto retãgui ani hag̃ua peiko ambue tetã rembiguái ramo, Che amopẽma pende cangálla ha pomoingo akã rapu’ãpópe.

Ha amoĩta pende apytépe che rogaguasu, ha che (rekove) noñemotĩmo’ãi pendehegui

Ndapejapoiva’erã pendejupe g̃uarã pende jára gua’u, ani pemopu’ã pendejupe g̃uarã jára gua’u ra’ãnga, ha napemoĩriva’erã ita oñemboparapyréva pene retãpy rehe peñakãity hag̃ua henondépe; Chénte Jahve, pende Jarateéva.

Pe’u aréta ñemitỹngue itujáva, ha penohẽta okápe umi itujáva peñongatu hag̃ua ipyahúva.

Cínco pende apytégui omuñáta 100-pe, ha 100 pende reheguáva omuñáta 10.000-pe, ha penderehe ija’e’ỹva ho’áta pene renondépe kyse puku rãimbekuépe.

Ha pe trígo ñemono’õ ára ohupitýta pe parral’a ñemono’õha árape ha pe parral’a ñemono’õ ohupitýta pe trígo ñemitỹha ára peve, ha pe’úta pene pan peẽ peneryg̃uatã porã meve, ha peikóta pende yvýpe kyhyje’ỹre.

Ha pemuñáta penderehe ija’e’ỹvape, ha ho’áta hikuái kyse puku rupi pene renondépe.

Pemboaretéke che jepytu’uha arakuéra ha pembotuicha (perespeta) che rekoha (óga jojohuha). Che ningo Jahve, pende Ruete.