Popular Bible Verses from Éxodo 7

Share

Ñanderuete he’i Moiséspe: Ema’ẽ, che romoĩma ndéve faraon Jára ramo ha Aaron, nde ryke’y, toiko nde proféta ramo.

Che katu amohatãta faraon py’apy ha ajapóta heta techaukapy ha milagrokuéra Egípto retãme. Faraon napenerendumo’ãi; Che katu amoĩta che po Egiptoyguakuéra ári, ha tuicha jehavira rupi aguenohẽta Israel atykuéra, che retãyguakuéra, Israel ñemoñarenguéra Egípto retã poguýgui.

Ha Egiptoyguakuéra oikuaáta Cheha Jahve, aipysóva che po Egípto retã ári, aguenohẽ aja Israel ñemoñarenguérape ijapyteguikuéra.

Upéramo faraon ohenoiuka kuimba’e iñarandúva ha paje apohakuérape, ha umi Egiptoygua paje apohakuéra ojapo avei mbói. Peteĩteĩ oity avei ijyvyra’i, ha oiko ichuguikuéra mbói; Aaron mbói katu omokõmba paje apoha mboikuérape.

Péicha he’iuka Ñanderuete: Ko’ã mba’e rupi reikuaáta Che ha’eha Jahve: Ema’ẽ porãke, ko yvyra’i che pópe arekóva, ainupãta pe y oĩva ysyrýpe, ha oikóta ichugui tuguy.

Faraon he’i ramo peẽme pehechauka tembiapo techaukarã reheguáva, eréta Aarónpe: Ejapyhy nde yvyra’i, ha eity faraon renondépe, oiko hag̃ua ichugui mbói. Moises ha Aaron ou faraon rendápe, ha ojapopa hikuái Ñanderuete he’i haguéicha ichupekuéra, ha Aaron oitývo ijyvyra’i faraon ha hembiguaikuéra renondépe, oiko ichugui mbói.