Popular Bible Verses from Efesoyguakuérape 6

Share

Ñande ningo nañañorãirõi tuguy ha to’o ndive (ñande rapicha ndive), ñande ñañorãirõ uvei umi mburuvichaguasu yvategua ndive (Satana ndive), umi mburuvichaguasu hesaitéva ndive, umi oisãmbyhýva ko múndo pytũ meguápe, umi pytu ñaña mba’epochy yvága pegua ndive.

Peñembo’e tapiákena pe Pytu Porãmbáva oipota háicha, aníke pendepy’a kangy, pejerurepeína pene ñembo’épe opaite Hesu Crísto reheguáva rehe.

Peiporu hekópe Ñanderuete ñorãirõ rembiporukuéra peñemoĩ hag̃ua Satana rehe, ha’e pende reitységui iñuhãme.

Upévare peiporu porãke opaite Ñanderuete ñorãirõ rembiporukuéra peẽ ikatu hag̃ua peropu’akapa, og̃uahẽ ramo pe ára vai ha Satana pende reityse ramo iñuhãme.

ha pejapyhy pe tete mo’ãha, kóva he’ise pejerovia hatãke Hesu Crísto rehe pemboguepa hag̃ua Satana hu’y rendyeta. Pejapyhy avei pene akã mo’ãha, kóva he’ise pejejokóke pende salvacionrã rehe, ha pejapyhy pe kyse puku, kóva he’ise peñemo’ã ha pendyry Ñanderuete ñe’ẽ (Bíblia) reheve umi oñemoĩvare penderehe.

Upévare peñembosako’i porãke, peñembo’y hatãkena ha pejeku’a jopy porãke, kóva he’ise peñemboykeva’erã pe japúgui ha pejeva’erã pe añetegua; ha peñemonde pe camisa hierroguiguávape, kóva he’ise peñemboheko potĩve pehóvo. Pemonde pende py rehegua, kóva he’ise pemombe’uva’erãha Ñanderuete ñe’ẽ porãite (evangélio)

Peñemokyre’ỹke Ñanderuete pu’akaguasu rupi, peẽ penembarete hag̃ua.

Emomba’e nde ru ha nde sýpe, péva ningo pe tembiapoukapy peteĩha oñeme’ẽmava promésa reheve; oho porã hag̃ua ndéve, ha reikove puku hag̃ua ko yvy ape ári, (Éxodo 20,12).

Peẽ ta’yrakuéra ha tajyrakuéra peneñe’ẽrenduva’erã pende rúpe ha pende sýpe Ñanderuete oipota háicha. Péva ningo mba’e heko peguáva peteĩ mitãme g̃uarã.