Popular Bible Verses from 1 Corintoyguakuérape 13

Share

Pe mborayhu añetegua oha’arõkuaa, ipy’a porã, pe mborayhu noñemohakate’ỹi, pe mborayhu noñembotuichái ni ndojererovúi, pe mborayhu naitie’ỹi (ndojapói mba’e iky’áva), ndohekái imba’évante, ndaipochýiri, ndaipy’a rasýi avave ndive

Pe mborayhu añeteguáva ogueropu’aka opaite mba’e ha opaite mba’e oguerovia, opaite mba’e oha’ãrõ ha ogueropu’akapa.

ndovy’ái ohendúvo hapicha oikoha hekope’ỹ, ovy’a añetegua reheve uvei.

Ko’ág̃a ningo opyta gueteri jerovia, esperánza ha mborayhu, ko’ã mbohapy apytégui, pe mba’e tuichavéva ningo pe mborayhu añeteguáva.

Pe mborayhu añetegua máramo ndopái, pe profecía opava’erã, pe ñe’ẽ ojekuaa’ỹva opava’erã, pe kuaapy arandu opava’erã.

Che añe’ẽ ramojepe opaichagua tetãyguakuéra ñe’ẽme térã yvága remimbou ñe’ẽme jepe, ha ndaporohayhúi ramo, che ningo brónce opararãva térã ña’ẽmbe pararã reínte.

Ha che aprofetizakuaa ramo, ha aikuaa ramo opaite mba’e ñemimby ha opaite kuaapy, ha aguereko ramojepe pe jerovia ikatúva oguerova peteĩ cérro, ha ndaporohayhúi ramo, che ndaha’éi mba’eve.

Ha ame’ẽmba ramo, aguerekóva guive (mboriahukuérape) ha ame’ẽrõ che rete ojehapy hag̃ua, ha ndaporohayhúi ramo opaite ko’ã mba’e ndovaléi mba’eve chéve g̃uarã.

Che mitã ramoguare añe’ẽva’ekue, apensa ha ajepy’amongetava’ekue peteĩ mitãicha. Akakuaapáma ramo katu apoi che mitã rekógui.