Popular Bible Verses from 1 Corintoyguakuérape 1

Share

Umi itavývape, kuimba’e ha kuñakuéra apytégui, Ñanderuete oiporavo, Ha’e omotĩ hag̃ua umi iñarandúvape; ha umi ikangývape Ñanderuete oiporavo, Ha’e omotĩ hag̃ua umi imbaretévape.

Umi oñehundívape g̃uarã, Hesu Crísto ñemano ñe’ẽ výro rei, ñande jajesalvávape g̃uarã katu Ñanderuete ñe’ẽ ipu’akapa.

Ñanderuete rembiapo (Hesu Crísto omanova’ekuégui kurusúre) ojogua mba’e výro rei yvyariguakuérape, iñarandueteve katu opaichagua kuimba’e arandúgui; ha Ñanderuete mba’e kangy (Hesu Crísto omano va’ekuégui kurusúre) imbareteve katu opaichagua kuimba’e pu’akágui.

Ñanderuete reko noñemoambuéi, Ha’e nopyrũi iñe’ẽ rehe araka’eve, Ha’e ningo penerenoiva’ekue peñembopy’apeteĩ hag̃ua ita’ýra, Ñandejára Hesu Crísto ndive.

Che hermanokuéra, ajerure peẽme Ñandejára Hesu Crísto rérape peñe’ẽmba hag̃ua peteĩ mba’énte, ha anítei oĩ pende apytépe ñorãirõ, tapeiko uvei oñondivepa peteĩ py’ápe ha peteĩ ñe’ẽme.

Moõ piko oĩ iñarandúva. Moõ piko oĩ oporombo’ekuaáva. Moõ piko oĩ oñe’ẽkuaáva. Ñanderuete ombovýro rei opaichagua yvyarigua arandu.